ബൂലോഗമയം ഒരു സിനിമാ കഥ ! / Boologamayam Oru Cinema Kathha !

ലണ്ടനിലെ ആശ ദോശയും,ബോളിയൻ സിനിമാ കോമ്പ്ലെക്സും .

ഈ കന്നിമാസമെന്ന് പറഞ്ഞാൽ
പട്ടികൾക്കുള്ള മാസമാണല്ലോ...;
എന്നാൽ കേട്ടോളൂ  നമ്മുടെ മേടമാസമില്ലേ
പുലികൾക്കുള്ളതാണ് - ബൂലോഗ പുലികൾക്ക് !
കൊടകര നിന്നൊരു പുപ്പുലി , ബ്രിജ് വിഹാരത്തിൽ
നിന്ന് കരിമ്പുലി ,നന്ദപർവ്വതത്തിൽ നിന്നിതാ പുള്ളിപ്പുലി ,
ഒരു കുമാരന്റെ സംഭവം കടിച്ച്പിടിച്ചൊരു ചീറ്റപ്പുലി  ,വളരെ
ശാന്തമായി ചില യാത്രകൾ നടത്തി കൊണ്ടിരിക്കുന്ന സാക്ഷാൽ കടുവ ,
കായംകുളമെക്സ്പ്രസ്സിൽ ചാടിക്കയറിയ ഒരു വരയൻപുലി,.., ..., ...,അങ്ങിനെ
ധാരാളം പുലികൾക്കൊപ്പം, ഇമ്മിണി പുലിച്ചികളും ഈ ബൂലോഗം മുഴുവൻ മദിച്ചുനടന്ന ഈ മേടമാസത്തിൽ, ബിലാത്തിപട്ടണത്തിലെ കഴുതപ്പുലികളായ ഞങ്ങൾ ,പുലിതിന്നതിന്റെ ബാക്കി പരതി കിടുകിടാവിറച്ച് കഴിയുകയായിരുന്നു ....

ഇനിയിപ്പോൾ എടവം പിറന്നതുകൊണ്ട് ഈ പുലികൾ
എടവാടുകൾ എല്ലാം തീർത്തിരിക്കും എന്ന നിഗമനത്തിൽ
വീണ്ടും എത്തിനോക്കുകയാണ്  ബൂലൊഗത്തിൽ ...കേട്ടൊ.

ലോകത്തിലെ ഏറ്റവും വലിയ ജനാധിപത്യ രാഷ്ട്രമായ ഇന്ത്യയിൽ

കൂട്ടുഭരണവും,കുതിര കച്ചവടവും ആകാമെങ്കിൽ ,നമുക്കും എന്തുകൊണ്ട് 

ആയിക്കൂടാ എന്ന്പറഞ്ഞ് ,ഇത്തവണത്തെ യുകെ തെരെഞ്ഞെടുപ്പിൽ ആർക്കും ഭൂരിപക്ഷമില്ലാതിരുന്ന കക്ഷികളിൽ നേരെ എതിർ പോളിസികളുള്ള ടോറി പാർട്ടിയും, ലിബെറൽ പാർട്ടിയും ചേർന്ന് പതിമൂന്നുകൊല്ലത്തെ ലേബർ ആധിപത്യം അവസാനിപ്പിച്ച് ഭരണത്തിൽ കേറിയതാണ് ഇവിടത്തെ വമ്പൻ വിശേഷം.

ഡേവിഡ് കാമറൂൺ പ്രധാനമന്ത്രിയും(ടോറി), നിക്ക് ക്ലെഗ്ഗ് ഉപപ്രധാനമന്ത്രിയും(ലിബെറൽ) ആയി ചുമതലയേറ്റ് അങ്ങിനെ ലോകരാഷ്ട്ര തലവന്മാരിൽ തലതൊട്ടപ്പന്മാരാകുകയും ചെയ്തു. 

 ജോസ് അലക്സാണ്ടറും,ഡോ: ഓമന ഗംഗാധരനും,ശ്രീകുമാറും (ഏഷ്യാനെറ്റ് ) .

പിന്നെ നമ്മുടെ മലയാളി സ്ഥാനാർത്ഥികളിൽ നാലുപെർ
ജയിച്ചു .അതിൽ സാഹിത്യകാരിയായ ഡോ: ഓമന ഗംഗാധരനും,
ജോസ് അലക്സാണ്ടർക്കും , അങ്ങിനെ  2012 ലെ ഒളിമ്പിക്സിന്റെ കടിഞ്ഞാൺ
വള്ളികൾ പിടിക്കാനും സാധിക്കും കേട്ടൊ

കാലെത്തെന്നെ കുടുംബകലഹം വേണ്ടാന്നുകരുതി,
പെണ്ണൊരുത്തിയുടെ കണ്ണുവെട്ടിച്ച് , അര ലിറ്ററിന്റെ ഓറഞ്ച്ജ്യൂസിന്റെ
പൌച്പാക്കറ്റ് തുറന്ന് കുറെ സിങ്കിലൊഴിച്ചുകളഞ്ഞ്, 'ജാക്ക്ഡാനിയൽ'
കൊണ്ട് റീഫിൽ ചെയ്ത് കമ്പ്യൂട്ടർ ടേബിളിൽ വന്നിരുന്ന് ഇതെഴുതാൻ തുടക്കം കുറിച്ചതാണ്.
അപ്പോഴാണ് മീനെല്ലാം ഫ്രീസറിൽ നിന്നും പുറത്തെടുത്തിട്ട്,
അടുക്കളയൊതുക്കി ഭാര്യയുടെ എഴുന്നുള്ളത്തും ,തിരുമൊഴികളും..

“ തൊടങ്ങ്യാ..ദിന്റെ..മുമ്പില് ‘

മയപ്പെടുത്തുവാൻ ഞാൻ പറഞ്ഞു

“ഡ്യേ..ഒര് കപ്പെട്ത്ത്ഏ...ഈ ജ്യൂസ്സുടിക്ക്യാൻ “ ( ഡി ഫോർ ഡാർലിങ്ങ്  കേട്ടൊ)

കപ്പ് കൊണ്ട് വന്ന്  ഒരു ഗ്ലാസ് പകർത്തി, നിന്ന നിൽ‌പ്പിൽ ഒറ്റ വലിക്ക് അവളത് മോന്തിയകത്താക്കി !

പിന്നീട് ആ കപ്പിൽ , ഒരുകപ്പ് എനിക്ക് പകർത്തിവെച്ചിട്ട്


“അയ്യേ....പൊട്ടജൂസാട്ടാ.. ഇത് “

എന്ന് പറഞ്ഞ് അടുക്കളയിലേക്ക് വലിഞ്ഞു...

എനിക്കെന്തെങ്കിലും മിണ്ടാൻ പറ്റ്വോ ?

 ഒന്നുമറിയാത്തപോലെ ഞാനത് സിപ്പെയ്ത് ,പത്ത് മിനിട്ട് കഴിഞ്ഞ്
ചെന്ന് സ്ഥിതിവിശേഷം എന്തായി  എന്ന് നോക്കിയപ്പോൾ ,
കുറ്റിയിൽ കെട്ടിയ വയറുനിറഞ്ഞ പശുവിനെ പോലെ വെറുതെ അതും ഇതും തൊട്ട് വട്ടം കറങ്ങിനിൽക്കുകയാണവൾ....

അവൾക്കപ്പോഴെന്റെ മീശമേലുള്ള നരച്ചരോമം വെട്ടികളയണമെത്രേ....

എന്നെ ചുള്ളനാക്കാനുള്ള പുറപ്പാടാണെന്ന് തോന്നുന്നൂ...

എന്തിന് പറയുന്നു പിള്ളേര് ക്ലാസ്സിൽ പോയതുകൊണ്ടോ,
ജാക്ഡാനിയലേട്ടൻ ഉള്ളിൽകിടന്ന് വിലസിയത് കൊണ്ടോ അവൾ വല്ലാതെ പ്രണയപരവശയായിരുന്നൂ !

പിന്നീട് മോൻ വന്ന് വാതിലിൽ മുട്ടിയപ്പോഴായിരുന്നു ഞങ്ങളുണർന്നത്..! !

അയ്യോ..എന്റെ മീൻ എന്ന് പറഞ്ഞ് അവൾ അടുക്കളയിലേക്കും,
ഇന്നത്തെ ബ്ലോഗ്ഗെഴുത്ത് കട്ടപ്പുക എന്ന്പറഞ്ഞ് ,കാലത്ത് ഓൺ ചെയ്തുവെച്ചിരുന്ന ഇന്റെർനെറ്റും,കമ്പ്യൂട്ടറും ഓഫ് ചെയ്യാൻ ഞാൻ താഴേക്കും ഇറങ്ങിവന്നു...

എന്റെ പെണ്ണൊരുത്തി ഇതുപോലെ ഓറഞ്ച് ജ്യൂസ്
കുടിച്ചുതുടങ്ങിയാൽ ബൂലോഗർ രക്ഷപ്പെട്ടു !

എന്തെന്നാൽ എന്റെ ബ്ലോഗ്ഗെഴുത്ത് ഇതേപോൽ സ്വാഹ : ആയിത്തീരുമല്ലോ .....

ഇനിയിപ്പോൾ എന്തെഴുതണം,

ഇന്നലെ തലയിലുണ്ടായിരുന്നതൊക്കെ

പോയി കിട്ടി . ബോളിയൻ സിനിമാ കോമ്പ്ലെക്സിനെ കുറിച്ച് പറഞ്ഞാലൊ....

 മോഹൻ ചേട്ടനും, പിന്നെ ലണ്ടനിലെ ഒരു മണ്ടനും ! 

ഇന്ത്യൻ സിനിമകൾ മാത്രം കളിച്ചുകൊണ്ടിരിക്കുന്ന
മൂന്നുതീയ്യറ്ററുകൾ ഒന്നിച്ചുള്ള ,ലണ്ടനിലെ ബോളിയൻ
സിനിമ ഇപ്പോൾ നടത്തിക്കൊണ്ടിരിക്കുന്നത് കച്ചവടപ്രമുഖനായ
തെറാ ട്രാവൽസ്സുടമ, മലയാളിയായ കൊല്ലത്തുക്കാരൻ മോഹൻ ചേട്ടനാണ്.
മൂപ്പരായിരുന്നു അമൃത ,കൈരളി ചാനലുകളുടെ യുകെയിലെ ഡിസ്ട്രിബ്യൂട്ടർ.

ബോളിയനെകൂടാതെ ലണ്ടനിലെ ഇതരഭാഗങ്ങളിലടക്കം,
ബ്രിട്ടനിൽ ഏതാണ്ട് ന്നൂറ്റമ്പതോളം തീയ്യറ്ററുകളിൽ ഇന്ത്യൻ
സിനിമകൾ സ്ഥിരമായി കളിക്കാറുണ്ട് കേട്ടൊ. പ്രധാന ബോളിവുഡ്
മൂവികളെല്ലാം ഭാരതത്തോടൊപ്പം ഇവിടേയും റിലീസ് ചെയ്യും!

സൂപ്പർ സ്റ്റാറുകളുടേതടക്കം,ഒരാഴ്ച്ചയിൽ കൂടുതൽ
ഓടിക്കുന്ന സിനിമകൾ ചിലപ്പോൾ പത്ത്കാണികളെ വെച്ചെല്ലാമായിരിക്കും പ്രദർശിപ്പിച്ചുകൊണ്ടിരിക്കുക.
ഈ പടങ്ങൾ പിടിക്കുവാൻ നിർമ്മാതാക്കൾക്ക് പണം വാരിക്കോരി
കൊടുക്കുന്ന വമ്പന്മാരുടെ കള്ളപ്പണം, വെള്ളപ്പണമാക്കുന്ന വിദ്യകൂടിയാണിത് കേട്ടൊ.

ഉദാഹരണത്തിന് ,ഒരുപുത്തൻ ബോളിവുഡ് മൂവി
ഇവിടെ ന്നൂറ് തീയ്യറ്ററുകളിൽ, ആ സിനിമ മൂന്ന് ഷോ വെച്ച്
അഞ്ഞൂറ് പേർ ഒരാഴ്ച്ച കണ്ടുവെന്ന്  കാണിക്കുന്നു .
അഞ്ച് പൌണ്ട് ടിക്കറ്റ് വെച്ച് കളക്ക്ഷൻ കാണിക്കുമ്പോൾ
100 x 500 x 3 x 5 = 75000 പൌണ്ട് !(ഒരു ദിവസത്തെ)
അപ്പോൾ ഏതാണ്ട് അമ്പത് ലക്ഷം രൂപ വൈറ്റായില്ലെ..!

പിന്നെ പടം ഇറങ്ങിയതിന്റെ പിറ്റേന്ന് തന്നെ ചൈനക്കാരുടെ
കാരുണ്യത്താല്‍  വ്യാജ സി.ഡിയും റെഡി !

പക്ഷേ മലയാളപടങ്ങളെല്ലാം ഒരു പ്രിന്റ് മൂന്നാലുലക്ഷം
രൂപയ്ക്ക് വാങ്ങി, ഓരൊ തീയ്യറ്ററിലും മാറിമാറി പലസ്ഥലങ്ങളിൽ
പ്രദർശിപ്പിച്ച് മാക്സിമം വേണമെങ്കിൽ ഒരു ഇരുപത് ഷോ നട്ത്തുമായിരിക്കും
ആകെ ബ്രിട്ടനിൽ.

പിന്നെ മിക്കമലയാളികളും മറ്റിതര ഇന്ത്യൻ ഭാഷക്കാരെ
പോലെ അഞ്ചും,പത്തും പൌണ്ട് മുടക്കി സിനിമകാണില്ല ,
അവനും, കുടുംബവും വെയിറ്റുചെയ്യും ...
അതിന്റെ സി.ഡി ഇറങ്ങുന്ന വരെയോ,
അല്ലെങ്കിൽ ടി.വിയിൽ വരുന്നത് വരേയോ ....

മുതലകുട്ടിയെ നീന്തലു പഠിപ്പിക്കണ്ട  എന്നുപറഞ്ഞപോലെ
മലയാളിയെ ആരും എക്കൊണോമി പഠിപ്പിക്കണ്ടല്ലോ  അല്ലേ !

അതുകൊണ്ടിവിടെ മലയാളസിനിമ കൊണ്ടുവരുന്നവർക്കെന്നും
കുമ്പിളിൽ തന്നെ കഞ്ഞി !

അതേസമയം തമിഴും,തെലുങ്കും സിനിമകൾ അവരെല്ലാവരും,
ഒന്നടങ്കം വന്നു  കാണുന്നത് കൊണ്ട് ഹൌസ് ഫുൾ ആയി ഓടുകയും ചെയ്യുന്നു...!


വെറുതെയല്ല മലയാളസിനിമാ വ്യവസായം ഗതി പിടിക്കാത്തത് അല്ലേ ?
പോരാത്തതിന് മലയാളസിനിമാ സംഘടനകളും,നടന്മാരും തമ്മിൽ തമ്മിലുള്ള
വിഴുപ്പലക്കലുകളും, മുഴുത്ത കുത്തിതിരുപ്പുകളും എന്നുമുണ്ടല്ലോ ....

വേറൊന്നുള്ളത് നല്ല അഭിനവ തികവുകളുണ്ടെങ്കിലും,
ഒട്ടും സെലെക്റ്റീവാവാതെ പ്രായം പോലും നോക്കാതെ,
പേക്കൊലം നടിക്കുന്ന സൂപ്പർതാരങ്ങളും , അവരുടെ ഫാൻസ്
അസോസ്സിയേഷനുകളുമെല്ലാം ചേർന്ന് നമ്മുടെ സിനിമയെ കുട്ടിച്ചോറാക്കിവെച്ചിരിക്കുകയാണെന്ന് പറഞ്ഞാൽ മതിയല്ലോ..അല്ലേ.

മിക്കവാറും ബോളിവുഡ് താരങ്ങൾക്കെല്ലാം ലണ്ടനിൽ
അവുധിക്കാല വസതികൾ ഉള്ളതുകൊണ്ടും, ഇല്ലാത്തവരെ
നിർമ്മാതാ‍ക്കൾ ബിലാത്തിപട്ടണം കാണിക്കുവാൻ കൊണ്ടുവരുന്നതുകൊണ്ടും , എന്നുമെന്നുപറഞ്ഞോണം ആരാധകരൊന്നുമില്ലാതെ ഇവർ തേരെപാരെ ലണ്ടനിൽ അലയുന്നതുകാണാം.
ഇത്തരം വരവുകളിൽ ഇവർ ആരാധകരെ കാണുവാനായി, ബോളിയൻ സിനിമയിലും സ്ഥിരം വരാറുണ്ട് കേട്ടൊ.

ഒരു ബ്ലോഗീറ്റ്  ബൈ കൊച്ചു ത്രേസ്യ,അരുൺ,ഷിബു......

ആ താരങ്ങളെല്ലാം വരുമ്പോൾ ഇരിക്കുന്ന ബോളിയൻ തീയ്യറ്ററിലെ
സ്വീകരണമുറിയിൽ വെച്ചാണ് ഞങ്ങൾ ബ്രിട്ടൻ ബൂലോഗതാരങ്ങൾ
ഇവിടത്തെ പ്രഥമ ബൂലോഗസംഗമം നടത്തിയത് !

ഈ ബ്ലോഗ്ഗ് മീറ്റിനെ കുറിച്ച് എഴുതുവാനുള്ള അവകാശം
തനിക്കുമാത്രം ആണെന്നുള്ള കരാർ എല്ലാവരെ കൊണ്ടും
ഒപ്പിട്ട് വാങ്ങിയാണ് പ്രദീപ്,  ഇവിടെനിന്നും സ്ഥലം കാലിയാക്കിയത്.
അതുകൊണ്ട് അതിനെ കുറിച്ചുള്ള  വായനകൾ....
ഇവിടെ ദേ..ലണ്ടൻ..ബ്ലോഗ്ഗ് മീറ്റ്,
ഒപ്പം പ്രദീപറിയാതെ സമദ് ഭായി എഴുതിയ  അഭിഭാഷകന്റെ ഡയറിയിലും.

മീറ്റ് കഴിഞ്ഞ് തീയ്യറ്ററിലെ സ്വീകരണമുറിയിൽ നിന്നും
താഴോട്ടിറങ്ങിവന്നപ്പോൾ ' ജനകൻ ' സിനിമകാണാൻ
വന്നിരിക്കുന്ന മലയാളികൾ ചോദിച്ചു...

“ഇവരെല്ലാം സിനിമാക്കാരാണോ ?“

ബ്ലോഗ്ഗർ ഷിഗിൻ അവരോട്  മീറ്റിന്റെ ഫോട്ടോ കാണിച്ചിട്ട് പറഞ്ഞു...

“അതെ...ഇവരെല്ലാം ഇവിടെ ലണ്ടനിൽ സിനിമാ ഷൂട്ടിങ്ങിന് വന്ന പുതുമുഖതാരങ്ങളും , സിനിമാക്കാരും ആണ്.

ബ്ലോഗൂട്ട്  വിജയിപ്പിച്ചവർ !

കരൺ ജോഹറിനെ പോലെയുള്ള ,സമദിനെ ചൂണ്ടിപറഞ്ഞു  ഇതാണ് ഡയറക്ട്ടർ,

പ്രൊഡ്യൂസർ ഈ കോട്ടിട്ടുനിക്കുന്ന കാരൂർ സോമൻ .

ലണ്ടനിൽ പഠിക്കുവാന്‍  വന്ന നായകനെ പ്രണയിക്കുന്ന രണ്ടുനായികമാരുടെ കഥയാണിതിത്.

നായകൻ അക്ഷയ്കുമാറിനെ പോലെയുള്ള ഈ അരുൺ അശോക് ,

നായിക ഒന്ന് സുസ്മിതാ സെന്നിനെ പോലെയുള്ള സിയാഷമീൻ,

 കാരൂർ സോമൻ ,സമദ് ഇരുമ്പഴി,വിഷ്ണു & സിയാഷമീൻ .

രണ്ടാമത് ജൂനിയർ ശ്രീവിദ്യയെ പോലെയുള്ള ത്രേസ്യകൊച്ച്,
കൊച്ചുത്രേസ്യ എന്ന കഥാപാത്രത്തെ അവതരിപ്പിക്കുന്നു.

വില്ലനായി അഭിനയിക്കുന്നത് ഈ തടിയൻ, മുരളീമുകുന്ദൻ,
കണ്ടാൽ തന്നെ ഒരു വില്ലൻ ലുക്കില്ലേ !

കോമേഡിയനായി വരുന്നത് ഈ ഇന്ദ്രൻസിനേ
പോലെയുള്ള പ്രദീപ് ജംയിംസ്,

ബ്രേക്ക്ഫാസ്റ്റിനും,ലഞ്ചിനും ശേഷം ഡിന്നറും ,അപ്പോൾ തന്നെ 
വെട്ടിമിഴുങ്ങുന്ന ഒരു കോട്ടയം നസ്രാണി !

ഛായഗ്രാഹകൻ മെല്ലി ഇറാനിയെ പോലുള്ള,
ഈ കണ്ണടക്കാരൻ വിഷ്ണുവാണ് ക്യേമറാമാൻ,

സാബു സിറിൽ കണക്കെ ഈ നിൽക്കുന്ന
തടിയന്‍,  ബാലുവാണ് ആർട്ട് ഡയറക്ട്ടർ,

ആർ.ഡി. ബർമ്മനെ പോലെയുള്ള , മനോജ് ശിവ എന്ന
ഈ നിൽക്കുന്നയാളാണ് സംഗീത സവിധായകൻ ,

പടത്തിന്റെ പരസ്യകലയും,സ്റ്റിൽ ഫോട്ടോഗ്രാഫിയും
ചെയ്യുന്നത് ഈ ബുദ്ധിജീവി  ഷിബു.

പിന്നെ ഞാൻ ഷിഗിൻ ഈ സിനിമയുടെ
പ്രൊഡക്ഷൻ എക്സിക്യുട്ടീവ്  കം  തിരക്കഥാകൃത്ത് !

അല്ലാ പടത്തിന്റെ പേര് പറഞ്ഞില്ലല്ലൊ....
“ ബൂലോഗമയം” !


ഇനി ലണ്ടൻ മലയാളി പത്രങ്ങളിൽ വന്ന
ഒരു വാർത്തയും ഫോട്ടൊയും പകർത്തിവെക്കുന്നു.

പ്രഥമ ബ്രിട്ടൻ മല്ലു ബ്ലോഗ്ഗേഴ്സ് മീറ്റ് ലണ്ടനിൽ വെച്ച് വിപുലമായി ആഘോഷിച്ചു

 ബ്രിട്ടൻ മല്ലു ബ്ലോഗ്ഗേഴ്സ് മീറ്റ് /  9 മെയ് 2010 / ലണ്ടൻ .
L to R(sitting)  Siya,Samad,Soman & Kocchu Thresya.
 L to R(standing) Mannoj,Shibu,Arun,Shigin,Balu,Pradeep,Muralee &Vishnu .

ബ്രിട്ടനിൽ നിന്നും മലയാളത്തിൽ ബ്ലോഗ്ഗ് എഴുതികൊണ്ടിരിക്കുന്നവരുടെ ഒരു കൂട്ടായ്മ,  ഇന്നലെ മെയ് ഒമ്പത് ഞായറാഴ്ച്ച ലണ്ടനിൽ വെച്ച് നടന്നു . ആകെ യു.കെയിലുള്ള ഇരുപത് മല്ലുബ്ലോഗ്ഗേഴ്സിൽ നിന്നും പതിനൊന്നുപേർ ഈ പ്രഥമ യു.കെ ബുലോഗസംഗമത്തിൽ പങ്കെടുത്തു.
രാവിലെ പത്തരമുതൽ നാലുമണിവരെ ഈസ്റ്റ് ഹാം ബോളിയൻ സിനിമയിലും, ആശദോശ റെസ്റ്റോറന്റിലും വെച്ച് എല്ലാവരും കൂടി ഒത്തുകൂടി പരിചയം പങ്കുവെക്കലും, ചർച്ചയും മറ്റുമൊക്കെയായി , കേരളത്തനിമയുള്ള ഭക്ഷണങ്ങൾ കഴിച്ചും ഈ കൂട്ടായ്മ ഗംഭീരമാക്കി.

വിശിഷ്ട്ടാതിഥിയായി പ്രവാസി സാഹിത്യകാരനായ കാരൂർ സോമനും , ഈ പുതുയുഗ എഴുത്ത്കാർക്ക് ഉപദേശങ്ങൾ നൽകി ഈ സംഗമത്തിന് കൊഴുപ്പേകി.

കൊച്ചുത്രേസ്യ , സിയാ ഷമീൻ,  സമദ് ഇരുമ്പഴി, വിഷ്ണു, പ്രദീപ് ജെയിംസ്, മനോജ് ശിവ, മുരളീമുകുന്ദൻ, അരുൺ, ബാലമുരളി, ഷിബു, ഷിഗിൻ, ഷമീൻ എന്നിവരാണ് യുകെയുടെ പലഭാഗങ്ങളിൽ നിന്നുമായി ഈ ബിലാത്തി ബൂലോഗ സംഗമത്തിന് എത്തിച്ചേർന്ന മലയാളത്തിൽ എഴുതികൊണ്ടിരിക്കുന്ന ബ്ലോഗ്ഗർന്മാർ.

പിന്നെ  ഇപ്പോൾ ബ്രിട്ടണിൽ നിന്നും മലയളത്തിന്
ഹരം പകർന്ന് ബൂലോകത്തിൽ എഴുതികൊണ്ടിരിക്കുന്നവർ  ഇവരൊക്കെയാണ്...
 യുകെയിൽ  മാഞ്ചസ്റ്ററിലുള്ള ശ്രീ: അലക്സ് കണിയാമ്പറമ്പലിന്റെ ബിലാത്തിമലയാളി , ലങ്കാഷയറിലുള്ള  ഡോ:അജയ് കുറിച്ചിട്ടുള്ള റിനൈസ്സത്സ്,
ലണ്ടനിലുള്ള അരുൺ അശോകിന്റെ ഗുള്ളിബെൽ ട്രാവത്സ് ,
അശോക് സദന്റെ എന്റെ തിന്മകളും,നുണകളും പിന്നെ കുറച്ചുസത്യങ്ങളും ,
ജോഷി പുലിക്കോട്ടിലിന്റെ കവിതകൾ മാത്രമുള്ള മലയാളം കവിതകൾ ,
മാഞ്ചസ്റ്ററിലുള്ള കഥകളുടെ തട്ടകമായ ജോയിപ്പാന്റെ ജോയിപ്പാൻ കഥകൾ,
ക്നാനായി കൂട്ടായ്മയുടെ പേരിൽ കണിയാമ്പറമ്പിൽ അലക്സ്ഭായി ഇറക്കുന്ന സ്നേഹസന്ദേശം , സ്വന്തം ഗ്രാമത്തിന്റെ സ്പന്ദനങ്ങൾ മുഴുവൻ തുടിക്കുന്ന ഒരു കൂട്ടായ്മയുടെ പേരിൽ യുകെയിലെ ആ ഗ്രാമക്കാർ ഇറക്കുന്ന  നമ്മുടെ സ്വന്തം കൈപ്പുഴ,
ദുരിതങ്ങളുടെ കഥകളുടെ അവകാശിയായ ലണ്ടനിലെ മേരികുട്ടിയുടെ കല്ല്യാണപ്പെണ്ണിന്റെ മലർവാടി,
ബൂലോഗത്തെ ബ്ലോഗിണിമാരിലെ പുപ്പുലിയായ  ഇപ്പോൾ റെഡ്ഡിങ്ങിലുള്ള, കൊച്ചു ത്രേസ്യാകൊച്ചിന്റെ  കൊച്ചുത്രേസ്യയുടെ ലോകം ,
നടൻ,സംഗീതജ്ഞൻ,എഴുത്തുകാരൻ എന്നിവയിലെല്ലാം നൈപുണ്യം തെളിയിച്ച മനോജ്ശിവയുടെ സ്മൈൽ  ,
മനോജ് മാത്യു അവതരിപ്പികുന്ന  ആത്മാവിന്റെ പുസ്തകം ,

ലണ്ടനിലെ വിശേഷങ്ങൾ പങ്കുവെക്കുന്ന മുരളീമുകുന്ദന്റെ ബിലാത്തിപട്ടണം ,
പ്രദീപ് ജെയിംസ് ; ബെർമ്മിംങ്ങാം എഴുതുന്ന ചിരിയുടെ നന്മപടർത്തുന്നഒരു ദേശം  ,  നർമ്മവിശേഷങ്ങളുമായി കോവെണ്ട്രിയിൽ നിന്നും പി.ദിലീപിന്റെ   ഡെയ് കെളെത്താതെ കെളെത്താതെ,
ചരിത്രസ്മരണകളും , മറ്റുകാര്യമായ കാര്യങ്ങളും നോർത്താംട്ടനിൽ ഇരുനെഴുതുന്ന അഡ്വ: സമദ് ഇരുമ്പഴിയുടെ ഒരു അഭിഭാഷകന്റെ ഡയറി ,
ലണ്ടനിൽ നിന്നും വർണ്ണങ്ങൾ
ചാർത്തി ഭംഗിവരുത്തുന്ന എഴുത്തുമായി എന്റെ കൊച്ചു കൊച്ചു വിശേഷങ്ങളുമായി സിയാഷമിൻ  ,
കൊച്ചു കാര്യങ്ങളിലൂടെ വലിയകാര്യങ്ങള്‍ എഴുതികൊണ്ടിരിക്കുന്ന  ന്യൂകാസിലുള്ള സീമാമേനോന്റെ കുഞ്ഞുകാര്യങ്ങളുടെ തമ്പുരാട്ടി,
കലാകാരനായ സിജോ ജോർജ്ജിന്റെ  അരയന്നങ്ങളുടെ നാട്ടിൽ ,
ലിവർപൂളിലുള്ള ശ്രീരാഗിന്റെ എന്റെ കണ്ണിലൂടെ ,
കവിതകളുടെ വീണമീട്ടിടുന്ന വിജയലക്ഷ്മിയേടത്തിയുടെ എൻ മണിവീണ ,
യാത്രാ വിവരണത്തിന്റെ സുന്ദരമായ വർണ്ണനകളോടെ കോവെണ്ട്രിയിലുള്ള വിഷ്ണുവിന്റെ വിഷ്ണുലോകം
എന്നിവയൊക്കെയാണ് നിലവിൽ ഇപ്പോൾ ബ്രിട്ടനിലുള്ള മലയാളം ബ്ലോഗ്ഗേഴ്സും, അവരുടെ ബ്ലോഗ്ഗ് വിലാസങ്ങളും .

ലേബൽ    :-

പലവക .

യുകെ വസന്തകാല വിശേഷങ്ങൾ ! / UK Vasnthakaala Visheshangal !

 ഒരു ലണ്ടൻ വസന്തകാല (സ്പ്രിൻങ്ങ് ടൈം) കാഴ്ച്ച

 അമേരിക്കൻ പ്രസിഡന്റുതിരെഞ്ഞെടുപ്പ് കഴിഞ്ഞാൽ ലോകം മുഴുവൻ ഉറ്റുനോക്കുന്ന ബ്രിട്ടൻ പ്രധാനമന്ത്രി ഇലക്ക്ഷനെ വരവേൽക്കാൻ , വസന്തകാലത്തോടൊപ്പം കണ്ണഞ്ചിപ്പിക്കുന്ന മോഹന കാഴ്ച്ചകളുമായി വളരെ കളർഫുള്ളായ പൂക്കളും,പൂമരങ്ങളുമൊക്കെയായി യുകെ ഒരു മാദകസുന്ദരിയെ പോലെ അണിഞ്ഞൊരുങ്ങി നിൽക്കുകയാണിപ്പോൾ !

ഒരു ദശകത്തിനുമേലെയുള്ള ലേബർപാർട്ടി ആധിപത്യത്തിനന്ത്യം കുറിക്കുവാൻ ടോറി പാർട്ടിയും, ലിബറൽ പാർട്ടിയും ഒപ്പത്തിനൊപ്പം, മൂന്നുപ്രധാനമന്ത്രി സ്ഥാനാർഥികളുമായി രംഗം കൊഴുപ്പിക്കുന്നുണ്ടെങ്കിലും , ഇവിടത്തെ പൊതുജനത്തിന് നമ്മുടെ നാട്ടിലുള്ളപോലെ ഒരു തിരെഞ്ഞെടുപ്പ് ജ്വരമൊന്നും തീരെകാണാനില്ല ...കേട്ടൊ.

 ഗോർഡൻ ബ്രൌൺ (ലേബർ),ഡേവിഡ് കാമറൂൺ (ടോറി),നിക്ക് ക്ലെഗ്ഗ് (ലിബറൽ) പ്രധാനമന്ത്രി സ്ഥാനാർഥികൾ

സ്വന്തം കാലിബറുകൾ തെളിയിക്കുവാൻ ഡിബേറ്റുകളും മറ്റുമായി, സ്ഥാനാർഥികൾ മാധ്യമങ്ങളിൽ കൂടി കഴിവ് തെളിയിക്കുമ്പോൾ ;
പാർട്ടികൾ ഞങ്ങളേപോലെയുള്ള നല്ല രാഷ്ട്രീയ പാരമ്പര്യമുള്ള പ്രബുദ്ധരായ അണികളെ കൂലിക്കെടുത്ത് (തീറ്റയും,കുടിയും കഴിഞ്ഞ് പണിദിവസം അമ്പതുപൌണ്ട് കിട്ടിയാൽ കയ്ക്കുമോ ? /അതും സ്വന്തം പണി കാഷ് ലീവെടുത്തിട്ട് ,പാർട്ട് ടൈമായി  ഇത്തരം പരിപാടികളിൽ പങ്കെടുക്കുമ്പോൾ)  ലീഫ്ലെറ്റുകൾ വിതരണം ചെയ്യിപ്പിച്ചും, ശബ്ദമലിനീകരണമില്ലാതെ, പൊതുജനത്തിന് ഒട്ടും ശല്ല്യങ്ങൾ സൃഷ്ട്ടിക്കാതെ  തുറന്നവാഹനങ്ങളിൽ പ്രചരണം നടത്തിയുമൊക്കെയാണ് , ഇവിടത്തെ പ്രചരണങ്ങൾ !

എല്ലാരാജ്യങ്ങളിലും കാണുന്നപോലെ ഇവിടെ ബിലാത്തിയിലും വലതുപക്ഷ വർഗ്ഗീയപാർട്ടിയായ ബ്രിട്ടീഷ് നാഷണൽ പാർട്ടിയുടെ(ബിൻപി) നിറഞ്ഞ സാനിദ്ധ്യവും,അവരുടെ ആ‍ാ‍ഹ്വാനമായ 

- ബ്രിട്ടൻ ബ്രിട്ടീഷുകാർക്ക്, നാട്ടിലെ തൊഴിലുകൾ നാട്ടുകാർക്ക്-  എന്ന മോട്ടൊ  ,

 ഇനി മുതൽ വിദേശ വാസികൾക്ക് പാരയായി തീരുമൊ , എന്നും കണ്ടറിയേണ്ട ഒരു കാര്യം തന്നെയാണ്.. 

ഇവരെ പറഞ്ഞിട്ടുകാര്യമില്ല യുകെയിലെ വമ്പൻ പണക്കാരുടെ പട്ടികയിൽ പോലും ഇന്ത്യക്കാരും,റഷ്യക്കാരുമൊക്കെയാണ് മുമ്പന്തിയിൽ,അതുപോലെ എല്ലാ സ്കിൽഡ് തൊഴിൽ മേഖലകളിലും വിദേശിയർക്ക് തന്നെയാണ് മുന്തൂക്കം!

ഇതെല്ലം കണ്ടും, കേട്ടും ഇരിക്കുന്ന സ്വദേശികൾക്ക് പണിയും കൂടി ഇല്ലാതാവുമ്പോഴുള്ള സ്ഥിതിവിശേഷം വന്നാൽ , അളമുട്ടിയാൽ ചേരയും കടിക്കും എന്ന പറഞ്ഞപോലെയായില്ലേ..അല്ലേ?

മലയാളി മഹാത്മ്യം/ ലണ്ടനിലെ മലയാളി സ്ഥാനാർഥികൾ 

 പോരാത്തതിന് മലയാളികൾക്കഭിമാനമായി ബിലാത്തിപട്ടണത്തിൽ/ലണ്ടനിൽ  നിന്നും രണ്ട് മങ്കമാരടക്കം ഏഴുപേരാണ്, വിവിധ കൌൺസിലുകളിൽ ഈ യൂറൊപ്പ്യന്മാരോടൊപ്പം അങ്കത്തട്ടിൽ മത്സരരംഗത്തുള്ളത്.(സ്ഥാനാർഥികളുടെ ഫോട്ടൊകൾക്ക് കടപ്പാട് ബ്രിട്ടീഷ് മലയാളി പത്രം )

സാഹിത്യകാരിയും,ഹോമിയോ ഡോക്ട്ടറുമായ ഓമന ഗംഗാധരനും, ജോസ് അലക്സാണ്ടറും,രാജ് രാജേന്ദ്രനും,ദമ്പതികളായ സ്ഥാനാർഥികളെന്ന് വാർത്താപ്രാധാന്യം നേടിയ മഞ്ജു ഷാഹുൽ ഹമീദും, ഭർത്താവ് മുഹമ്മദ് റാഫിയും ലേബർ പാർട്ടി ടിക്കറ്റുകളിൽ വിധിതേടുമ്പോൾ

ബിനോയിയും, ബിജു ഗോപിനാഥും ടോറിപക്ഷത്താണ് കേട്ടൊ നിൽക്കുന്നത്.
മലയാളിക്ക് പാര മലയാളിയെന്ന നിലയിൽ ഡോക്ട്ടർക്ക് എതിരായി നിൽക്കുന്നതിനുപകരം എഞ്ചിനീയറായ ബിനോയിക്ക് സ്ഥലം മാറിനിൽക്കാമായിരുന്നു എന്നാണിപ്പോൾ മലയാളീസ് പറഞ്ഞുകൊണ്ടിരിക്കുന്നത്.

മേയ് ആറിന് നടക്കുന്ന ഈ ഇലക്ക്ഷൻ മാമാങ്കത്തിനുശേഷമറിയാം , ഇതിൽ ഏതു മലയാളികൾക്കൊക്കെ 2012 ലെ ലണ്ടൻ ഒളിമ്പിക്സ്നുവേണ്ടി നായകത്വം വഹിക്കുവാനൊ,അതിന്റെ ചുക്കാൻ വള്ളികൾ പിടിക്കാനൊ സാധിക്കും എന്ന് പറയുവാൻ ...

ഇതിനിടക്ക് കപ്പലിനിടയിൽ കയിലുംകണ എന്നപോലെ , രണ്ടുവാരം മുമ്പ് ഇംഗ്ലണ്ടിന്റെ ഉത്തരഭാഗത്തുകിടക്കുന്ന രാജ്യമായ ഐസ്ലാണ്ടിൽ അഗ്നിപർവ്വതം പുകഞ്ഞുപൊട്ടി, ഉത്തരയൂറൊപ്പുമുഴുവൻ പുകപടലങ്ങളാൽ കറുത്തിരുണ്ട് പോയത് ഒരു ഭയങ്കരസംഭവമായി മാറി കേട്ടൊ.

ഐസ് ലാന്റിലെ അഗ്നിപർവ്വതം പുകയുന്നൂ 

ബ്രിട്ടന്റെ ചില ഭാഗങ്ങളിലൊക്കെ വെടിക്കെട്ടുകഴിഞ്ഞ പൂരപ്പറമ്പുപോലെ രണ്ടുമൂന്ന് ദിനം , പുകപടലങ്ങൾ തിങ്ങിവിങ്ങി, പൊടിപടലങ്ങൾ കൊഴിഞ്ഞ് വീണ്, അന്തരീക്ഷം മുഴുവൻ അലങ്കോലമായിരുന്നു.

രണ്ടാം ലോകമഹായുദ്ധത്തിന് ശേഷം വീണ്ടും ഇവിടെ ആദ്യമായി ഏഴുദിവസത്തോളം അന്തരീക്ഷാപകട ഭീക്ഷണിയെ തുടർന്ന് എല്ലാ എയർപോർട്ടുകളും അടച്ചിട്ടു !

ഓരൊ രണ്ട് മിനിട്ടിലും ഓരൊ വീമാനങ്ങൾ പൊന്തുകയും,താഴുകയും ചെയ്യുന്ന ഭൂമിയിലെ ഏറ്റവും തിരക്കുകൂടിയ ലണ്ടൻഹീത്രൂ (http://www.youtube.com/watch?v=GLNbYqraTgE&feature=player_embedded ) വീമാനത്താവളമടക്കം ! (വീഡിയോ നോക്കുമല്ലോ )

ഇതിന്റെ തന്നെ നഷ്ട്ടം ഒരു ബില്ല്യൻ പൌണ്ടാണെത്രേ !

ഉപ്പുതൊട്ട് കൽപ്പൂരം വരെ വളരെ ഫ്രഷ് ആയി എല്ലാം ഇറക്കുമതി ചെയ്തുകൊണ്ടിരിക്കുന്ന ബ്രിട്ടൻ ,
തമിഴ്നാട്ടിൽ ഒരാഴ്ച്ച ബന്ത് വന്നാൽ വലയുന്ന കേരളം പോലെയായി !

പക്ഷേ എല്ലാത്തിന്റെ മേലും നിരീക്ഷണഏജൻസികൾ ഉള്ളതുകൊണ്ട് ഒരു ആവശ്യസാധനങ്ങൾക്കും ഒരു പെനിപോലും കൂടിയില്ല കേട്ടൊ/പൂഴ്ത്തിവെപ്പില്ലാത്ത കാരണം സൂപ്പർ സ്റ്റോറുകളെല്ലാം എമർജെൻസി സ്റ്റോക്കുകൾ പുറത്തെടുത്ത് വിറ്റു.

സായിപ്പിന്റെ ഇത്തരം കാര്യങ്ങളാണ് നമ്മളും,

നമ്മുടെ രാജ്യക്കാരുമൊക്കെ കണ്ടുപകർത്തേണ്ടത് അല്ലേ ?

ഇത്തവണ യൂറോപ്പിലാകമാനമുണ്ടായ കൊടും ശൈത്യത്തിനു പിന്നാലെ കഠിനമായ ചൂടുകാലമാണ് കാലെടുത്ത് വെക്കുന്നത് എന്ന മുന്നറിയിപ്പുകൊണ്ടാകാം ,വിന്ററിനുശേഷം വന്ന വസന്തകാലം തൊട്ടേ ഇവിടെയാളുകൾ തുണിയുരിഞ്ഞ് നടന്നുതുടങ്ങി .

ഒപ്പം സമ്മർ വസ്ത്രങ്ങളുടെ പുതിയ ഫാഷനുകളുടെ പരസ്യങ്ങൾക്കും തുടക്കം കുറിച്ചു കേട്ടൊ.

ഭൂരിഭാഗം പുത്തൻ ഫാഷൻ തരംഗങ്ങളെല്ലാം ഉടലെടുക്കുന്നത് ഈ ബിലാത്തിപട്ടണത്തിൽ നിന്നാണല്ലോ !

സമ്മർ വസ്ത്രങ്ങളുടെ പരസ്യത്തിന് വേണ്ടിഒരു നടത്തം 

ഓക്സ്ഫോർഡ് സ്ട്രീറ്റ്, ലണ്ടൻ. 

 അപ്പോൾ രണ്ടുമാസം കഴിഞ്ഞ് ശരിയായ സമ്മർ വന്നാലുള്ള സ്ഥിതിവിശേഷങ്ങളോർത്ത് ഞങ്ങൾക്കൊക്കെ ഇപ്പോഴെ തന്നെ പരവശം തുടങ്ങി....!

പണ്ട് അന്നത്തെ വഴുവഴുപ്പുള്ള ഗിരിജാതിയ്യറ്ററിൽ പോയി പീസുപടം കാണൂമ്പോഴുള്ള അനുഭൂതികളാണ് , ഇപ്പോൾ നേരിട്ട് ലൈവായി ഇവിടെ കണ്ടുകൊണ്ടിരിക്കുന്ന ഇത്തരം കാഴ്ച്ചകളിലൂടെ കിട്ടുന്നത്...കേട്ടൊ

ഇനി ശരിക്കുള്ള സമ്മറാകുമ്പോൾ ചൂടുകൂടി,  ഇതിലും കഠിനമായ  കാഴ്ച്ചകളുടെ നിവൃതികള്‍  ഞാനൊക്കെ എങ്ങിനെയാണൊന്ന് പറഞ്ഞറിയിക്കുക....? !

ഇവിടെ സമ്മറിലാണ് വരത്തന്മാരുടെ കാറുകൾ സ്ഥിരം അപകടത്തിൽ പെടുക. അപകട കാരണം ഡ്രൈവർമാരുടെ കോൺസെണ്ട്രേഷൻ റോഡിൽ നിന്നും തെറ്റി,
റോഡ്സൈഡിലെ അല്പവസ്ത്രധാരികളെ ഉഴിയുമ്പോഴാണ് ഉണ്ടാകുന്നത് കേട്ടൊ.

ഇതെല്ലാം മനസ്സിലാക്കികൊണ്ട്  ഇവരുടെയെല്ലാം സ്വന്തം ഭാര്യമാർ സ്റ്റീയറിങ്ങ് വീൽ ഏറ്റെടുത്തതോടുകൂടി അപകടങ്ങളും നിന്നു കേട്ടൊ ..,

ഒപ്പം കാഴ്ച്ചവട്ടങ്ങൾക്ക് ഒരു ഇമ്പവും കൂടി !

കാറിനുള്ളിലും,വീടിനുള്ളിലും തനി ടിപ്പിക്കൽ രമണന്മാരായ ഈ ഭർത്താക്കന്മാരുണ്ടല്ലൊ... ഒറ്റക്കൊന്നു പുറത്തേക്കിറങ്ങിയാൽ തനി രാവണന്മാരാകുകയാണ് പതിവ് കേട്ടൊ.

ശരി ഇനി സമ്മറാവട്ടേ..അപ്പോൾ കാണാം ...പൂരം !

അങ്ങിനെ അവനും ജീവിതം മതിയാക്കി തിരിച്ചു പോയി.കാൽ ന്നൂറ്റാണ്ടിനുമുമ്പ് അളഗപ്പപോളിയിലെ ഞങ്ങളുടെ കലാ-സാഹിത്യ ക്യാമ്പിലെ സീനിയറായിരുന്ന, അതിസുന്ദരനായിരുന്ന, സകലകലാവല്ലഭനായിരുന്ന ശ്രീകുട്ടൻ.
പിന്നീടവൻ എത്രപെട്ടന്നാണ് തൊട്ടതെല്ലാം പൊന്നാക്കി സിനിമാലോകം വെട്ടിപ്പിടിച്ചത്. പ്രണയവിവാഹ പരാജയത്തിനുശേഷം അവൻ ശരിക്കും ഉൾവലിയുകയായിരുന്നു.....
ഞങ്ങൾ മിത്രങ്ങളോടുപോലും.
ശ്രീകുട്ടൻ എന്ന ശ്രീനാഥ് , ഇപ്പോഴിതാ അവന്റേയും നാദം നിലച്ചിരിക്കുന്നു....!

ശ്രീനാഥ് നിനക്ക് പ്രണാമം....

അന്നത്തെ ആ എല്ലാകൂട്ടുകാരുടെ പേരിലും

നിനക്കിതാ  ആദരാഞ്ജലികള്‍ അർപ്പിച്ചുകൊള്ളുന്നു...

വീരസഹജാ ശ്രീനാഥാ, താരമായിവിലസിയ പ്രിയ മിത്രമേ

വിരഹം ഞങ്ങളില്‍ തീര്‍ത്തിട്ടു വേര്‍പ്പെട്ടുപോയി നീയെങ്കിലും,

ഓര്‍മിക്കുംഞങ്ങളീമിത്രങ്ങള്‍ എന്നുമെന്നുംമനസ്സിനുള്ളില്‍;

ഒരു വീരശൂരസഹജനായി നിന്നെ  മമ ഹൃദയങ്ങളില്‍ ........!

 ലേബൽ :-

കണ്ടതും,കേട്ടതും .

ഇക്കരക്കാഴ്ച്ചകൾ / Ikkarakkaazhcchakal .

 ഈസ്റ്ററും പിന്നെ വിഷുവും

നമ്മുടെ നാട്ടിലെ സ്വദേശികളേക്കാൾ കൂടുതൽ മലയാളിത്വമുള്ളത്
വിദേശത്തുവസിക്കുന്ന മലയാളികൾക്കാണെന്ന് പറഞ്ഞാൽ അതിൽ ഒട്ടും അതിശയോക്തിയില്ല ! ആചാരങ്ങളും,ആഘോഷങ്ങളും നാട്ടിലേക്കാൾ നന്നായി കൊണ്ടാടുന്നത് ഈ പ്രവാസികളാണെന്ന് ആണയിട്ടുതന്നെ പറയാം. ചിങ്ങപ്പുലരിയും,ഓണവും,ക്രിസ്തുമസ്സും,ഈദും,ഈസ്റ്ററും,വിഷുവും,വലിയപെരുന്നാളും, സിനിമയും, തെരെഞ്ഞെടുപ്പും,ക്രിക്കറ്റുമെല്ലാം  പ്രവാസികൾ രാഷ്ട്രീയവും,മതവുമില്ലാത്ത കൊച്ചുകൊച്ചു കൂട്ടായ്മകളിലൂടെ കെങ്കേമമായി കൊണ്ടാടികൊണ്ടിരിക്കുകയാണ്, ഒരോരൊ വിദേശമലയാളിയും അവനവന്റെ പുത്തൻ തട്ടകങ്ങളിൽ വെച്ച് ആയതിന്റെയൊന്നും ഒട്ടും തനിമ നഷ്ട്ടപ്പെടാതെ തന്നെ !
നാട്ടിലെ പോലെ തന്നെ വിദേശത്തും പ്രബുദ്ധരായ മലയാളിക്കുള്ള ഒരു ദോഷം,ഒരുമിച്ച് ഒരു ഒറ്റ കുടക്കീഴിൽ മറ്റുദേശക്കാരെ പോലെയോ,മറ്റുഭാഷക്കാരെ പോലെയോ അണിനിരക്കില്ല എന്നതാണ്. ചെറിയ കൂട്ടായ്മകൾ ഉണ്ടാക്കി അതിൽ ഒതുങ്ങിക്കൂടും ,വേണ്ടിവന്നാൽ അതിനെയൊന്നുപിളർത്തി വേറൊരു ഗ്രൂപ്പിനെ പൂവ്വണിയിപ്പിക്കും എന്നുകൂടിയുണ്ട് ആ പാരമ്പര്യമായുള്ള ശീലഗുണത്തിന് ഇല്ലേ ?
ഇവിടെ യു.കെയിലും ഏറ്റവും കൂടുതൽ സംഘടനകളുള്ളത് മലയാളികൾക്കാണ് കേട്ടൊ.
ഇപ്പൊൾ ന്നൂറിൽ കൂടുതൽ മലയാളി കൂട്ടായ്മകളുടിവിടെ !
അതുകൊണ്ട് ഏതുയാഘോഷ സീസൻ വന്നാലും മലയാളീസിന്റെ ഉത്സവമേളങ്ങളാണിവിടെ..

പോരാത്തതിന് പൊങ്ങാൻ രണ്ട് വടിയും കൂടി കിട്ടിയാലത്ത സ്ഥിതിയോ ?

ഒന്നാമത്തേത് ഇവിടെ ; ഇത്തവണ വിദ്യാലയങ്ങളിൽ സായിപ്പിന്റേയും,മറ്റു വംശീയരുടേയുമൊക്കെ മക്കളെയെല്ലാം പിന്തള്ളി - ചൈനക്കാരുടേയും,ഇന്ത്യക്കാരുടേയും കുട്ടികൾ ഉയർന്നവിജയ ശതമാനം, അതും ഇംഗ്ലീഷ് ഭാഷയിലടക്കം; കരസ്ഥമാക്കിയെന്നതിലാണ്. ഈ വിജയിച്ചവരിൽ കേരളീയരുള്ളടത്തെല്ലാം, ഒന്നു മുതൽ പത്തുസ്ഥാനം വരെ ഭൂരിഭാഗവും മലയാളികളുടെ മക്കൾക്കാണ് കിട്ടിയിട്ടുള്ളത്.....പൊങ്ങാൻ പിന്നെന്തു വേണം !

രണ്ടാമത്  ബിബിസി പോലും; ഒരു വത്യസ്ഥഡോക്യുമെന്ററിയിലൂടെ മലയാളിയുടെ മദ്യപാനാസക്തിയെ പാടി പുകഴ്ത്തിയെന്നുള്ളതാണ് (http://news.bbc.co.uk/1/hi/world/south_asia/8557215.stm ). യുകെയിൽ എല്ലാസ്കോച്ചുകമ്പനികളും കൂടി ഇവിടെ ഒരുകൊല്ലം കുടിക്കുവാൻ, ഉണ്ടാക്കുന്ന മദ്യത്തേക്കാൾ കൂടുതൽ ദൈവ്വത്തിന്റെ നാട്ടുകാർ ഒരു മാസം കൊണ്ട് കുടിച്ച് തീർക്കുന്നു പോലും !
ഇവിടത്തെ വമ്പൻ വാറ്റുകമ്പനികളെല്ലാം കേരളം എന്ന മദ്യമാർക്കറ്റിനെ ഉറ്റുനോക്കികൊണ്ടിരിക്കുകയണിപ്പോൾ കേട്ടൊ....

സമീപഭാവിയിൽ തന്നെ കാറുകമ്പനികളെയൊക്കെ പോലെ തന്നെ ഇവർ വന്നവിടെ കമ്പനി സ്ഥാപിക്കും ,കേരളത്തിൽ ഫാക്റ്ററി തുടങ്ങുവാൻ നമ്മൾ സമ്മതിക്കാത്തതുകാരണം തമിഴുനാട്ടിലോ,കർണ്ണാടകത്തിലോ വെച്ചുണ്ടാക്കിയിട്ട് ,മറ്റുള്ളയുൽ‌പ്പന്നങ്ങൾ വിറ്റഴിക്കുന്നമാതിരി തനി ഉപഭോഗമാർക്കറ്റായ കേരളത്തിൽ കൊണ്ടുപോയി കൊടുത്ത്,ആയതിൽ നിന്നും ലാഭം കൊയ്യും !

പിന്നെ നമ്മുക്ക് ‘എന്നാറി’ ക്കാരെ ആശ്രയിക്കാതെ ബീവറേജിൽ പോയി വരി നിന്ന് ഷീവാസും , ബ്ലാക്ലേബലും,ഗ്രാന്റ്സും,ത്രീബാരെത്സും, ജാക്ക്ഡാനിയലുമൊക്കെ നേരിട്ട് വാങ്ങാമല്ലോ അല്ലേ !

സാധാരണ എക്കൊണോമി താഴുമ്പോഴാണ്  ആ ദേശക്കാർ
മദ്യത്തിനടിമപ്പെടുന്നത് എന്ന് പഠനം  വ്യക്തമാക്കുന്നു,കേരളത്തെ
സംബന്ധിച്ച് അത് നേരെ തിരിച്ചും !

ഇവർ പറയുന്നത് ഇതിനെ ഒട്ടും  മനസ്സിലാക്കാൻ
പറ്റാത്ത ഒരു പ്രതിഭാസം എന്നാണത്രെ !

പൊങ്ങാൻ ഒരു വടിയും, പിന്നെ കൊള്ളാൻ ഒരടിയും എന്ന്
ഇതിനെ പറയുന്നതായിരിക്കും ഉത്തമം !

ഈസ്റ്റർ-വിഷു ആഘോഷകമ്മറ്റി ടീംസ് !

 കഴിഞ്ഞ രണ്ട് ഞായറാഴ്ച്ചകളിലായി  ഞങ്ങളും ഇവിടെ
ഈസ്റ്ററും ,വിഷുവും ഗംഭീരമായി ആഘോഷിച്ചു .
ഇപ്പോള്‍ നാട്ടിലൊക്കെയാഘോഷിക്കുന്ന പോലെ ബേക്കറികളിലോ,
പാചകശാലകളിലോ പോയി റെഡിമെയ്ഡായി കിട്ടുന്ന വട്ടേപ്പവും, കറികളും,പാലടപ്രഥമനുമൊന്നും വാങ്ങിച്ചല്ല കേട്ടൊ.
ഞങ്ങൾ നാലഞ്ചുകുടുംബങ്ങൾ ഒന്നിച്ചുചേർന്ന് കറിക്കരിഞ്ഞും,തേങ്ങചെരുകിയും,പരദൂഷണം പറഞ്ഞും,കളിച്ചും,ചിരിച്ചും,കുടിച്ചും,മതിച്ചും,മറ്റും
വട്ടേപ്പവും,ബീഫ്ഫ്രൈയും,മട്ടൻ കുറുമയും,മീങ്കറിയും,അവിയലും,എലിശ്ശേരിയും , മാമ്പഴപുളിശ്ശേരിയും,പുളിഞ്ചിയും,പപ്പടവും,ഉപ്പേരിയും, വിഷുക്കട്ടയും,ശർക്കരപ്പാനിയും,പാലടയുമൊക്കെയായി ഈ ആഘോഷങ്ങൾ അത്യുഗ്രനാക്കി കേട്ടൊ.

നമ്മുടെ വിഷു ആഘോഷം ലോകത്തിലെതന്നെ പല രാജ്യങ്ങളുടേയും

കൊയ്തുല്‍ത്സവങ്ങളും , പുതുവര്‍ഷപ്പിറവിദിനങ്ങളുമാണ്‌ !

നമ്മളെ പോലെ തന്നെ വിളെവെടുപ്പ് മഹോല്‍ത്സവങ്ങളായി കൊണ്ടാടുന്ന ഘാന ,നേപ്പാള്‍ ,ബര്‍മ്മ , ഗയാന ..മുതലായ രാജ്യങ്ങളും ,
നവവത്സരമായി  ഈ ദിനത്തെ കൊണ്ടാടുന്ന ശ്രീലങ്ക ,ചിലി , ചൈനയിലേയും,ഭാരതത്തിലേയും(പഞ്ചാബ് , തമിഴ്നാട് ...) പല സംസ്ഥാനങ്ങളും  നമ്മുടെ ഈ വിഷുവിനെ പലരീതിയിലും വരവേൽക്കുന്നുണ്ട് കേട്ടൊ...

വിഷു വിഷാദങ്ങൾ

വിഷുക്കണിയതൊട്ടുമില്ല  , വെള്ളക്കാരിവരുടെ നാട്ടില്‍ ...

വിഷാദത്തിലാണ്ടേവരും സമ്പത്തുമാന്ദ്യത്തിൻ വക്ഷസ്സാൽ

വിഷയങ്ങലൊട്ടനുവധിയുണ്ടിവിടെ ; ഒരാള്‍ക്കും വേണ്ട

വിഷുവൊരു പൊട്ടാപടക്കം പോലെ മലയാളിക്കിവിടെ ...

വിഷുക്കൊന്നയില്ല ,കണിവെള്ളരിയും ,കമലാനേത്രനും ;

വിഷുപ്പക്ഷിയില്ലിവിടെ "കള്ളന്‍ ചക്കയിട്ടതു"പാടുവാന്‍ ,

വിഷുക്കൈനീട്ടം കൊടുക്കുവാന്‍ വെള്ളിപണങ്ങളും ഇല്ലല്ലോ ...

വിഷുഫലമായി നേര്‍ന്നുകൊള്ളുന്നൂ വിഷു"വിഷെസ്"മാത്രം !

പ്രഥമ യുകെ ബൂലോഗ സംഗമം /ഒരു സങ്കൽ‌പ്പം

ലൈസൻസ്ഡ് ട്ടു ലൈയ്യിങ്ങ് എന്നാണ് യൂറോപ്പുകാർ ഏപ്രിൽ മാസത്തെ വിശേഷിപ്പിക്കുക. കിടക്കാനുള്ളതല്ല കേട്ടൊ നുണ പറയാനുള്ള മാസം !
പുത്തൻ ബഡ്ജറ്റുകൾ അവതരിപ്പിച്ച് കണക്കുകളുടെ നുണക്കഥകളുമായി വ്യക്തി തൊട്ട് സാമ്രാജം വരെ കള്ളകണക്കുകൾ തുടങ്ങിവെക്കുന്ന മാസം....
ആയതിന്റെ മുന്നോടിയായി അവർ ഏപ്രിൽ ഒന്നിനെ നുണയന്മാരുടെ,വിഡ്ഡികളുടെ ദിനമായി ആചരിച്ചു തുടങ്ങി.
സത്യം പറഞ്ഞാൽ എന്നെപ്പോലുള്ള മണ്ടന്മാരുടെ ദിനം !

 പ്രഥമ യുകെ-ബൂലോക സംഗമം /ഒരു സങ്കൽ‌പ്പം !

അന്നാണ് ഇവിടെ എന്റെ വീട്ടിൽ വെച്ച് ഞങ്ങൾ കുറച്ച് യു.കെയിലെ ബ്ലോഗ്ഗേഴ്സ് വെറുതെ ഒന്ന് ഒത്തുകൂടിയത്. മുന്മന്ത്രി എം.എം.ഹസ്സന്റെ ബന്ധു-ഗൾഫ് ബോൺ ആന്റ് ബോട്ടപ്പ് ആയ 'വിറ്റു'കളുടെ രാജാവ് അനസ്ഖാനും, ലണ്ടൻ ബോൺ ആന്റ് ബോട്ടപ്പായ ബെന്നും, ഡോക്ട്ടർ  ജിഷും ,ഡോക്ട്ടർ അജയ് എന്നീ മലയാളികളായ ആംഗലേയബ്ലോഗ്ഗർന്മാരും,ബൂലോഗരായ നാല് യുവതുർക്കികളായ അരുണും, പ്രദീപും, വിഷ്ണുവും, ശ്രീരാഗും ,പേരിനൊരു പെണ്ണ് എന്നുചൊല്ലി ബുലോഗിനി മേരികുട്ടിയും .കൂടാതെ ബ്ലോഗുലകത്തേക്ക് കാല് നീട്ടിയിരിക്കുന്ന ബാലമുരളിയും ,ബിജിലും,ജെയ്സനും,മാത്തൻ ലോഡ്സനും ,മുരളികൃഷ്ണയും , ഷിബുവും, ഷിബിനും, ഷിഗിനും പിന്നെ ഞാനും .

ഇവരിൽ ഭൂരിഭാഗവും വിദ്യാർഥികളായത്കൊണ്ട് ഈ ഈസ്റ്റർ-വെക്കേഷൻ അടിച്ചുപൊളിക്കുവൻ ലണ്ടനിൽ വന്നപ്പോൾ ഒരു മലയാളി ബ്ലോഗ്ഗ്മീറ്റിന്റെ മുന്നോടിയായി ഈ ചള്ള് ക്ടാങ്ങളെയെല്ലാം വിളിച്ചുവരുത്തിയത് ഞാൻ തന്നെ. ബ്ലൊഗ്ഗ് മീറ്റൊന്നും നടന്നില്ലെങ്കിലും നല്ലൊരു ബ്ലോഗ്ഗീറ്റും, ഭൂലോക കുടിയും നടന്നു കേട്ടൊ.....
 ഇവർ ചള്ള് ക്ടാങ്ങളൊന്നുമല്ല-എല്ലാ‍വരും പുലി കുട്ടികൾ തന്നെയാണ് കേട്ടൊ !

പാട്ട്,ഡാൻസ്,ക്രിക്കറ്റ്,പ്രസംഗം,സാഹിത്യം,പുളു,...,...,...,...അങ്ങിനെ എല്ലാകുണ്ടാമണ്ടികളിലും സകല കലാവല്ലഭന്മാരായ  ഇവന്മാരുടെ മുമ്പിലെല്ലാം ഞാനൊക്കെ വെറും ശിശു !

ഇവന്മാരൊക്കെ ശരിക്കും എഴുതി തുടങ്ങുന്നതിനുമുമ്പേ എല്ലാകോപ്പും കത്തിച്ചുതീർത്ത് ,മൂഡുംതട്ടി ബൂലോഗത്തുനിന്നും സ്ഥലം കാലിയാക്കണം...

അല്ലെങ്കിൽ ഇവരുടെ കത്തിക്കലുകളുടെ മുമ്പിൽ ഞാനെല്ലാം  ഒരു പൊട്ടാപടക്കമായി ചൂറ്റിപോകും !

ഇവരോരുത്തരേയും ഏതാണ്ട് പത്തുമുതൽ നൂറുവരെ ലവേഴ്സ് ഫോളൊ ചെയ്യുന്നുണ്ടെത്രേ !
പത്തുലക്ഷവും,കാറും സ്വപ്നം കണ്ട് നടക്കുന്നൊരു ചുള്ളൻ മീഞ്ചട്ടിക്ക് ചുറ്റും നടക്കുന്ന മാർജ്ജാരനെ പോലെ മേരികുട്ടിക്ക് ചുറ്റും വട്ടമിടുകയായിരുന്നൂ....
പത്ത് വയസ്സുകൂടിയാലെന്താ പത്തുകോടി അല്ലേ ഒത്താൽ കിട്ടുക !
എന്തായാലും കോലൻ തോട്ടിപോലെയുള്ള മൂപ്പരും, മേരികുട്ടിയും ബെസ്റ്റ് മേച്ചാ..കേട്ടൊ---- നിറപറയും നിലവിളക്കും പോലെ !

ബൂലോഗ നവാഗാതരേ ഇതിലെ ഇതിലേ ...

ഈ എല്ലാചുള്ളന്മാരും ഭയങ്കര സംഭാഷണ പ്രിയരായിരുന്നൂട്ടാ‍ാ.ഞങ്ങൾ മറ്റുബ്ലോഗ്ഗരോടല്ല കേട്ടൊ .
എന്റെ ഭാര്യയോടും,മേരിയോടും പിന്നെ എന്റെ മോളൊടും .അതും ഒരുപാട് ....

ചെറുപ്പത്തിൽ ഞാനൊക്കെ വെള്ളം കുടിപ്പിച്ച പെമ്പിള്ളേരുടെ രക്ഷിതാക്കന്മാരുടെ ചങ്കിടിപ്പിന്റെ

ഗുട്ടൻസ് , ഒരു പെങ്കൊച്ചിന്റെ തന്തപ്പിടിയെന്നനിലയിൽ  ഇപ്പോൾ എനിക്ക് പിടികിട്ടി കേട്ടൊ..കൂട്ടരേ  !

ഭഗവാന്റെ നാമമുള്ളയൊരുത്തൻ ഇടക്ക് വന്നുയാരുമറിയാതെ ഓരൊപെഗ് വിട്ട് ,അടുക്കളയിൽ പോയി വളരെ വിനീത വിധേയനായി എന്റെ ഭാര്യയെ സഹായിക്കുന്നത് കണ്ടപ്പോൾ, ഒരു ഭാവി അമ്മായിയമ്മ-മരുമകൻ റിലേഷൻ ഷിപ് , മെയിന്റെയിൻ ചെയ്യുന്നുണ്ടോ എന്നൊരു സംശയം ?

എന്തിന് പറയാൻ ആ വിഡ്ഡിദിനം-പെസഹ വ്യാഴാച്ച
എല്ലാം കൊണ്ടും ആകെ പെശകുതന്നെയായിരുന്നൂ!
പോകാൻ നേരത്ത് ചിലരുടെ വണ്ടി മിസ്സായിട്ട് അന്ന് വീട്ടിൽ തങ്ങി, ഭരണിപ്പാട്ട്,വാളുവെയ്ക്കൽ മുതൽ കലാപരിപാടികൾ എല്ലാം ഉഷാറയി തന്നെ ദു:ഖവെള്ളിയെ ഗുഡ്ഫ്രൈഡേയ് ആക്കുന്ന വരെ തുടർന്നൂ....

പിന്നെ ഞങ്ങളെല്ലാം കൂടി ഒരു തീരുമനം എടുത്തു കേട്ടൊ..

ഒരു യുകെ ബുലോഗമീറ്റ് നടത്തുവാൻ .

ഇതൊഴിച്ച് ബാക്കി നടന്നതെല്ലാം ഒരു നുണക്കഥയായി നമുക്ക് വിസ്മരിക്കാം അല്ലേ..
അല്ലാ..ബൂലോഗരെ ഈ പുരനിറഞ്ഞുനിൽക്കുന്ന ,പുരുഷ പ്രജകളായ വിദ്യാസമ്പന്നരായ,യുവതുർക്കികളായ യുകെയിലെ ഈ ബൂലൊഗഗെഡികളെയെല്ലാം പിടിച്ചുപെണ്ണുകെട്ടിക്കുവൻ നിങ്ങളും ഒന്നു സഹായിക്കില്ലേ ?

എന്റെയും കൂടി ഒരു മന:സമാധാനത്തിന് വേണ്ടിയാണ് കേട്ടൊ !

ബ്രിട്ടൻ മല്ലൂ ബ്ലോഗ്ഗേഴ്സ് അഥവാ ബിലാത്തി ബൂലോഗർ


യുകെയിൽ നിന്നും ഇ-പത്രമായി പ്രചരിക്കുന്ന മാഞ്ചസ്റ്ററിലുള്ള ശ്രീ: അലക്സ് കണിയാമ്പറമ്പലിന്റെ ബിലാത്തി മലയാളി പത്രം(http://bilathimalayalee.blogspot.com/) ,
കലാകാരനും,ആംഗലേയ ബ്ലോഗറുമായ ഡോ:അജയ്(ലങ്കാഷെയർ) മലയാളത്തിൽ തുടക്കം കുറിച്ചിട്ടുള്ള റിനൈസ്സൻസ് ( http://ajay006.blogspot.com/ ),
സകലകലാവല്ലഭനായ അരുൺ അശോകിന്റെ(ലണ്ടൻ ) ഗുള്ളിബ്ലെസ് ട്രാവെത്സ് ( http://arun-gulliblestravels.blogspot.com/ ) , ജോഷി പുലിക്കോട്ടിലിന്റെ കവിതകൾ മാത്രമുള്ള മലയാളം കവിതകൾ (http://www.joshypulikootil.blogspot.com/    ) ,
ജിനീഷ് പോളിന്റെ തട്ടകമായ ജെ.പി.മഞ്ഞപ്ര  (http://jeeneeshpaul.blogspot.com%20/) ,
കഥകളുടെ തട്ടകമായ ജോയിപ്പാൻ(മാഞ്ചസ്റ്റർ) എഴുതുന്ന ജോയിപ്പാൻ കഥകൾ (http://joyppan.blogspot.com/ )
ക്നാനായി കൂട്ടായ്മയുടെ പേരിൽ കണിയാമ്പറമ്പിൽ അലക്സ്ഭായി ഇറക്കുന്ന സ്നേഹ സന്ദേശം ( http://knanayapravasi.blogspot.com/)മാ‍ഗസിൻ,
സ്വന്തം ഗ്രാമത്തിന്റെ സ്പന്ദനങ്ങൾ മുഴുവൻ തുടിക്കുന്ന ഒരു കൂട്ടായ്മയുടെ പേരിൽ യുകെയിലെ ആ ദേശക്കാർ ഗ്രാമത്തിലെ എല്ലാവർക്കും വേണ്ടി തുടങ്ങിയ നമ്മുടെ സ്വന്തം കൈപ്പുഴ  ( http://nammudekaipuzha.blogspot.com/),
കവിതകളുടെ ഇഷ്ട്ടതോഴിയായ,ഒപ്പം ദുരിതങ്ങളുടെ കഥകളുടെ അവകാശിയായ മേരികുട്ടിയെന്ന(ലണ്ടൻ ) കല്യാണപ്പെണ്ണിന്റെ മലർവാടി (http://malarvati.blogspot.com/),

ബൂലോഗത്തെ ബ്ലോഗിണിമാരിലെ പുപ്പുലിയായ  ഇപ്പോൾ ലണ്ടനിൽ ഉള്ള ത്രേസ്യാകൊച്ചിന്റെ കൊച്ചുത്രേസ്യയുടെ ലോകം (http://malabar-express.blogspot.com/ ),
നടൻ,സംഗീതജ്ഞൻ,എഴുത്തുകാരൻ എന്നിവയിലെല്ലാം നൈപുണ്യം തെളിയിച്ച മനോജ്ശിവയുടെ സ്മൈൽ(http://shivalinks-manojsiva.blogspot.com/) ,
മനോജ് മാത്യു അവതരിപ്പികുന്ന ആത്മാവിന്റെ പുസ്തകം ( http://manoj-mathew.blogspot.com/) ,
മുരളീമുകുന്ദന്റെ(ലണ്ടൻ) ബിലാത്തിപട്ടണം ( http://bilattipattanam.blogspot.com/

പ്രദീപ് ജെയിംസ് (ബെർമ്മിംങ്ങാം )  പൊട്ടിച്ചു വിടുന്ന  തമാശയുടെ മാലപ്പടക്കം കത്തിത്തീർന്ന് ചിരിയുടെ നന്മപടർത്തുന്ന  ഒരു ദേശം ( http://arumanoor.blogspot.com/ ),
മർമ്മത്തിൽ കൊള്ളുന്ന നർമ്മവിശേഷങ്ങളുമായി പി.ദിലീപിന്റെ (കൊവെണ്ട്രി) ഡേയ് കെളത്താതെ കെളത്താതെ (http://pdileep.wordpress.com/ )
മൂന്നു ബ്ലോഗുകളിൽ കൂടിചരിത്രസ്മരണകളും ,കാര്യമായ കാര്യങ്ങളും എഴുതുന്ന അഡ്വക്കേറ്റ്: സമദ് ഇരുമ്പഴിയുടെ ഒരു അഭിഭാഷകന്റെ ഡയറിയിൽ നിന്ന് (http://samadirumbuzhi.blogspot.com/  ),
തീരെ ചെറിയ കാര്യങ്ങൾ പോലും വർണ്ണങ്ങൾചാർത്തി ഭംഗിവരുത്തുന്ന എഴുത്തുമായി എന്റെ കൊച്ചു കൊച്ചു വിശേഷങ്ങളുമായി (http://siyashamin.blogspot.com/ ) ബ്ലോഗ്ഗിണി സിയാഷമിൻ (ലണ്ടൻ) ,

കൊച്ചു കാര്യങ്ങളിലൂടെ വലിയകാര്യങ്ങള്‍പറയുകയും,ഒപ്പം ധാരാളം നല്ലകഥകൾ എഴുതികൊണ്ടിരിക്കുകയും ചെയ്യുന്ന ന്യൂകാസിലുള്ള സീമാമേനോന്റെ The Mistress  of Small Things /കുഞ്ഞുകാര്യങ്ങളുടെ തമ്പുരാട്ടി (http://themistressofsmallthings.blogspot.com/ ),

ബ്രിട്ടനിൽ വെച്ച് ബുലോഗപ്രവേശം ഈയ്യിടെ നടത്തിയ നന്നായി എഴുതുന്ന സിജോ ജോർജ്ജിന്റെ അരയന്നങ്ങളുടെ നാട് (http://sijogeorge.blogspot.com/ ) ,
നാട്ടിൽ വിദ്യാലയതലം മുതലെ കഥകളിലും,മറ്റും സമ്മാനങ്ങൾ വാരിക്കൂട്ടിയിരുന്ന ശ്രീരാഗിന്റെ (ലിവർപൂൾ) എന്റെ കണ്ണിലൂടെ (http://sreeragsree.blogspot.com/ ),
യുകെയിലും,യുഎയിലുമിരുന്ന് മാറിമാറി കവിതകളുടെ വീണമീട്ടിടുന്ന വിജയലക്ഷ്മിയേടത്തിയുടെ മൂന്നു ബ്ലോഗ്ഗുകളായ
എന്‍ മണിവീണ(http://enmaniveena.blogspot.com/    )യും, മഷിത്തുള്ളികളും ,പിന്നെ കൊതിയൂറും പാചക വിഭവങ്ങളുമായി  കാഴ്ച്ചവട്ടങ്ങളും (http://mashitthullikal.blogspot.com/%20http://kaaazhcha.blogspot.com/
and   http://kaaazhcha.blogspot.com/),
യാത്രാ വിവരണത്തിന്റെ സുന്ദരമായ ചിത്രങ്ങളോടും ,വളരെ നല്ല കായിക രംഗത്തെ വരച്ചുകാട്ടിയുള്ള എഴുത്തോടും കൂടിയുള്ള വിഷ്ണുവിന്റെ (കൊവെന്റ്റി)
  ചിത്രലോകവും ,വിഷ്ണുലോകവും ( http://chithra-lokam.blogspot.com/(വിഷ്ണുലോകം)  മൊക്കെയണ് നിലവിൽ ഇപ്പോൾ ബ്രിട്ടനിലുള്ള മലയാളം ബ്ലോഗ്ഗെഴ്സ്.
ഒപ്പം തന്നെ ബൂലോഗത്തേക്ക് പിച്ചവെച്ച് കടന്ന് വരുവാൻ
വേണ്ടി തയ്യാറെടുത്തിരിക്കുന്ന മുകളിൽ പറഞ്ഞ മറ്റുചുള്ളന്മാരും ഉണ്ട് കേട്ടൊ...

ലേബൽ ,

കണ്ടതും,കേട്ടതും.

ഒരു സായിപ്പും പിന്നെ മാതൃദിനവും . / Oru Sayippum Pinne Mathrudinavum .

  പാരമ്പര്യമായി ഞങ്ങൾ തയ്യിൽ വീട്ടുകാർ നടത്തിപ്പോരുന്ന പഞ്ചാരകമ്പനിയുടെ ഡയറക്ട്ടർ സ്ഥാനമോ,ചെയർമാൻ പദവിയോ ഏറ്റെടുക്കണ്ടായെന്നുവെച്ച് ഇവിടെ അടുത്തുള്ള പാർക്കിൽ നടക്കലും,ജോഗ്ഗിങ്ങും ആരംഭിച്ചകാലം.

ഒപ്പം എന്റെ തൂക്കം സെഞ്ചറിയിലേക്കടുത്ത് ,ഭാര്യയ്ക്കുപോലും താങ്ങാനാവാതെ(എല്ലത്തി കല്ലെടുക്കും എന്നാണല്ലൊ പറയുക - അത് വേറെ കാര്യം ),പ്രഷറും,കൊളസ്റ്റ്ര്രോളും ശരീരത്തിന്റെ പടിവാതിക്കൽ വന്നുമുട്ടിയപ്പോൾ ,ഡോക്ട്ടറുടെ ഉപദേശമനുസരിച്ച് ,കുഴിമടിയനായ ഞാൻ ആരംഭിച്ചു എന്നുപറയുന്നതായിരിക്കും ഉത്തമം !

അങ്ങിനേ എന്നെപ്പോലുള്ള ഏതൊരുസുഖിയനായ പ്രവാസിയുടേയും ദേഹം,എല്ലാരോഗങ്ങൾക്കും സുഖമമായി കടന്നുവരുവാൻ തുറന്നിട്ടുകൊടുത്തിരുന്ന കാലം എന്നും ആ സമയത്തെ വിശേഷിപ്പിക്കാം കേട്ടോ.  അതിനന്ന് ഏതെങ്കിലും ഒരുകാര്യത്തിലെങ്കിലും, ഒന്ന് സ്വയം ‘കണ്ട്രോൾ’ ഉണ്ടായിരുന്നിട്ട് വേണ്ടെ !

ആദ്യദിവസം തന്നെ ജോഗ്ഗിങ്ങ് ജോഡികളായ ക്രിസ്ജോണിനേയും,കാമുകിയേയും ആ പാർക്കിൽ വെച്ചാണ് കുറച്ചുകൊല്ലം മുമ്പ് ഞാൻ പരിചയപ്പെട്ടതും,അല്പവസ്ത്രധാരികളായ അവരുടെ സുന്ദരശരീരങ്ങൾക്ക് കണ്ണുപറ്റണ്ടായെന്നുകരുതി അവരോടൊപ്പം കൂടി ഞാനും പരിശീലനം തുടർന്നതും .

ക്രിസ്സാണെങ്കിൽ തൃശ്ശൂർ പൂരത്തിന്റെ കുടമാറ്റം പോലെ കാമുകിമാരെ മാറി മാറി കൊണ്ടുവരുന്നതുകൊണ്ട്,ആ വർണ്ണപകിട്ടുകൾ സ്ഥിരം കാണാമെന്നുള്ളതുകൊണ്ട് ,എന്റെ കുഴിമടി എങ്ങോട്ടു പോയെന്നു ഞാൻ തന്നെയറിഞ്ഞില്ല കേട്ടൊ.

"ഔവ്വ്...ഇവന്മാരുടെയൊക്കെ തലയിൽ വരച്ചത്
നമ്മടെയൊക്കെ' ഡേഷിൽ 'വരച്ചിരുന്നെങ്കിൽ !"

അതിനാൽ  അന്നുമുതൽ ക്രിസ്സുമായി നല്ല ചങ്ങാത്തവുമായി.
ഇപ്പോഴും ഞങ്ങൾ നല്ല കുടുംബമിത്രങ്ങൾ തന്നെ...

  കഴിഞ്ഞമാസം മദ്ധ്യത്തോടെ പെട്ടെന്ന് ജോലിയിൽ നിന്നും എമർജെൻസി ലീവെടുത്തുപോയപ്പോൾ ക്രിസ്സ്, ഞങ്ങൾ കൂട്ടുകാരോട് യാതൊന്നും പറഞ്ഞിരുന്നില്ല.
ഞങ്ങൾ ചിന്തിച്ചിരുന്നത് ഇപ്പോഴുള്ള നാലാം പാർട്ടണറുമായി ഏതെങ്കിലും രാജ്യത്തേയ്ക്ക് ഹോളിഡേയ്സ് ആഘോഷിക്കുവാൻ പോയിരിക്കും എന്നായിരുന്നു....

സാധാരണ എല്ലാ സായിപ്പുമാരും അനുവർത്തിക്കുന്ന
ഒരു ശീലവുമാണല്ലോ ഈ ‘വിന്റർ എസ്കേപ്പ്‘ അഥവാ മഞ്ഞുകാലമുങ്ങൽ..!

പെട്ടന്നതാ അവൻ ,രണ്ടാഴ്ച്ച മുമ്പ് ഒരു ദിനംവളരെ അവിചാരിതമായി  രാത്രിയിൽ ഫോൺചെയ്തുറപ്പുവരുത്തിയശേഷം വളരെ വിവശനായി എന്റെ വീട്ടിലേക്കുകയറിവന്നു.

വീണ്ടും അവൻ മയക്കുമരുന്നുപയോഗിച്ചുതുടങ്ങിയോ
എന്നെനിക്കൊരു സംശയം..?
കഴിഞ്ഞ നവമ്പറിലെ അവന്റെ മുപ്പത്തിയേഴാം ബർത്ത്ഡേയ് പാർട്ടിയിൽ വെച്ചവൻ പ്രഖ്യാപിച്ചതാണ് സിറിഞ്ചും ,പുല്ലും(കഞ്ചാവ്), അതോടൊപ്പം പുകവലിയും കാലാകാലത്തേക്കായി ഉപേഷിക്കുകയാണെന്ന്.
അതിതുവരെ തെറ്റിച്ചിട്ടെല്ലെന്നവൻ സംശയനിവാരണവും നടത്തി കേട്ടൊ.

അവൻ ടെൻഷൻ വന്ന് ലീവെടുത്തതാണെത്രേ !
അവന്റെ പാർട്ട്ണർ, അവനുടെ ഉറ്റമിത്രത്തിന്റെ കൂടെ ഹോളിഡേയ്ക്കുപോയതുകൊണ്ടാണീനൊമ്പരം കേട്ടൊ.
അവളാണെങ്കിൽ സ്ഥിരം മയക്കുമരുന്ന് കുത്തുന്നവൾ,
ഇവൻ അതുപേഷിച്ചപ്പോൾ ഇവനേയും ഉപേഷിച്ചുപോലും!

ഭാരതീയ വിഭവങ്ങളുടെ ആരാധകനായ മൂപ്പർ ഞങ്ങളോടൊപ്പം കുട്ടികൾ വാരി തിന്നുന്നതുപോലെ ചോറും കറികളും,എരിവും പുളിയുംകാരണം കണ്ണുനിറഞ്ഞും,മുഖം ചുകന്നും പലഭാവവത്യാസങ്ങളോടെ അകത്താക്കിയശേഷം ,
പിന്നീടെന്നോട് വന്നകാര്യം പറഞ്ഞു.

അവനൊരു ഇന്ത്യൻ പെണ്ണിനെ വേണമെത്രെ-
കുറച്ചു നാളത്തെ ഡേറ്റിങ്ങ് കഴിഞ്ഞശേഷം പരസ്പരം
എല്ലാംകൊണ്ടും ഇഷ്ട്ടമാകുകയാണെങ്കിൽ ,ശരിക്കും കല്ല്യാണം കഴിച്ച് ,
കുട്ടികളെ വളർത്തി കുടുംബമായി കഴിയാൻ അതിയായ മോഹം തോന്നുന്നുപോലും !

നല്ല ഉയരവും,വിവരവും,ഒപ്പംനല്ലയിന്ത്യൻ കറികൾ വെക്കാൻ
അറിയുന്ന പെണ്ണാണ് അവന്റെ 'കൺസെപ്റ്റിൽ' കേട്ടൊ.
ഞാനത് സംഘടിപ്പിച്ചു കൊടുക്കണം പോലും...

അത്തരം ഒരു ഇന്ത്യൻ പെണ്ണിനെ, ഞാൻ എവിടെ പോയി തിരയാൻ..?
അഥവാ ആരെയെങ്കിലും ആക്കിക്കൊടുത്താൽ ,
പിന്നീട് ഇവനെങ്ങാനും തിരസ്കരിച്ചാൽ
എന്റെ കയ്യിൽ പെടും !

സ്വന്തം ഒരെണ്ണമുള്ളതുതന്നെ പാ‍ലക്കാടൻ വൈക്കോൽ
പോലെ എപ്പോഴും ചൊറിഞ്ഞുകൊണ്ടിരിക്കുന്നതാണ്...

അയ്യോ..വേണ്ട.. വേണ്ട

ഇനി ഒന്നുകൂടി കൈയ്യിൽ പെട്ടാൽ എന്റെ സ്ഥിതി
ചെകുത്താനും,കടലിനും ഇടയ്ക്ക് പെട്ടപോലെയാകുകയില്ലേ..

എല്ലാം ശരിയാക്കിതരാമെന്നുപറഞ്ഞ് ,
ഒരു ശരാശരി മലയാളി സ്വഭാവത്തോടെ
അവനെയൊരുവിധം സമാധാനിപ്പിച്ചന്ന് പറഞ്ഞുവിട്ടു .

"എന്തുണ്ടായിട്ടും എന്താ കാര്യം ; പാവം സായിപ്പ് !"

സ്വന്തം തിന്മകൾ ഉള്ളിൽ ഒളിപ്പിച്ച് ,
ഞാൻ ഈ സായിപ്പുമാരുടേയും,മദാമമാരുടേയുമൊക്കെ
കാര്യം ആലോചിച്ചിട്ട് വല്ലാതെ സഹതപിച്ചു !

പിന്നീട് രണ്ടുദിവസം കഴിഞ്ഞ് മാതൃദിനത്തിന് അവന്റെ അമ്മയ്ക്ക് സമ്മാനങ്ങൾ
കൊടുക്കുവാന്‍ വേണ്ടി,  അവ തെരഞ്ഞെടുക്കുവാന്‍  എന്നെ ക്ഷണിച്ചപ്പോഴും ;
അവന്‍ ഭാരതത്തിന്റെ പൊന്നോമന പുത്രികളെ  വാഴ്ത്തികൊണ്ടിരിക്കുകയായിരുന്നൂ...

വെറും ഒരു സിംഗിൾ പാരന്റായി പതിനാറ് വയസ്സുള്ളപ്പോൾ
ആണ് അവന്റെ അമ്മ അവനുജന്മം നൽകിയത് . അവന് ഒരു
വയസ്സാവുമ്പോഴേക്കും ആ അമ്മ പുതിയ കാമുകനൊപ്പം രാജ്യം വിട്ടു.

പിന്നീട് അവന് എട്ടുവയസ്സായപ്പോൾ വേറൊരു കരീബിയൻ പാർട്ടണർക്കൊപ്പമാണ്
അവന്റെ ഈ പ്രിയ മാതാവ് വീണ്ടും ലണ്ടനിലേക്ക് തിരിച്ചുവന്നത്.

ഇപ്പോൾ ഐറിഷുകാരനായ നാലാം കൂട്ടുകാരൻ ഭർത്താവും
മക്കളുമായി ലിവർപൂളിൽ താമസിക്കുന്ന അമ്മക്ക്  ,രണ്ടുദിവസം
മുമ്പ് മദേർസ് ഡേയ് ഗ്രീറ്റിങ്ങ് കാർഡുകളും ,സമ്മാനങ്ങളും പൊസ്റ്റ്
ചെയ്തശേഷം, അവനും,ഞാനും പബ്ബിൽ നിന്നും പിരിഞ്ഞപ്പോൾ ഏറെ
വൈകിയിരുന്നു!
അന്നവിടെ വെച്ച് കേട്ട അവന്റെ കഥയിൽ
നിന്നും ഉടലെടുത്ത കുറച്ചുവരികൾ..
ഇതാ അവനുവേണ്ടി സമർപ്പിക്കുന്നു,
എന്റെ മിത്രം ഈ വെള്ളക്കാരനായ ക്രിസ്സിനുവേണ്ടി.....

അമ്മ ദിനം  / Mothers Day

അമ്മതൻ രതി സുഖ വഴിയേ മുളതെറ്റി ,

ചുമ്മാകടന്നുവന്നവൻ ഞാനെങ്കിലും;കിട്ടീ

യമ്മൂമ്മതൻ പരിചരണങ്ങളിത്രകാലം !

അമ്മയിപ്പോൾ നാലാമിണയുടെകൂടെ;എങ്ങോ....

ഉമ്മകൾ തന്നിട്ടുണ്ടോയെനിക്ക്,എന്നുടമ്മ ?

ഓർമ്മയിലില്ല എന്തോയതതു മറന്നതാകാം...

അമ്മിഞ്ഞിയൂട്ടിയിട്ടില്ല എന്നെയമ്മ ; അത്

അമ്മതൻ മാറിടഭംഗി കാത്തു സൂക്ഷിക്കുവാൻ !

അമ്മദിനമാണിന്നുപോലും - ഓർമ്മിച്ചിടേണം

മമ്മിയെ ഇന്നു മാത്രം ! കൊടുത്തിടേണം പോലും;

ചമ്മലില്ലാതെ ഭാവുക സ്നേഹ കുറിപ്പുകൾ ,

സമ്മാനങ്ങളൊപ്പം വേറെയതു വേണ്ടപോലെ !

 ലേബൽ :-

കഥയും കാര്യവും.

യു.കെ .വിദേശ വിദ്യാർത്ഥി ചരിതം ഒരു വിങ്ങലും പൊട്ടലും ! / U.K .Videsha Vidyarthhi Charitham Oru Vingalum Pottalum !

അന്നും (ഒരു  യൂണി :ക്യാമ്പസ്  ) ഇന്നും.

 

എഞ്ചിനീയറിങ്ങ് കഴിഞ്ഞശേഷം,പാലക്കാട്ടുനിന്നും ബ്രിട്ടനിൽ വന്ന് എം.ബി.എ ഡിഗ്രിയെടുക്കുവാൻ വേണ്ടി കുറച്ചുകൊല്ലം മുമ്പ് ഇവിടെയെത്തിയ ആഞ്ചലോസിന്റെ
അനുഭവങ്ങൾ വിവരിക്കാനാണ് ഞാനിവിടെ വന്നിരുന്നത്.

അപ്പോളിതാ BBC യിൽ നല്ലൊരു ഡോക്യുമെന്ററി...

The Gateway to U.K Education , അതിന്റെ

സത്യങ്ങളും,മിഥ്യയും തുറന്നുകാണിച്ചുകൊണ്ടുള്ളത് .

വ്യാജ സ്റ്റുഡണ്ട് വിസകളെ കുറിച്ചും, ഇവിടെ ഉപരിപഠനത്തിനുവരുന്ന വിദേശവിദ്യാർത്ഥികളെ , എങ്ങിനെയൊക്കെയാണ് വിസക്ക് മുമ്പും,പിമ്പുമൊക്കെ പലരീതികളാലും തട്ടിപ്പിന് വിധേയരാക്കുന്നതുമൊക്കെ കാ‍ണിച്ചുള്ള ചിത്രീകരണങ്ങൾ !

 അതുകൊണ്ട് ഈ കഥയ്ക്കുമുമ്പ് ഞാനൊന്ന് യുകെയിലെ ഇപ്പോഴത്തെ  വിദേശവിദ്യാർത്ഥിചരിതം വെറുതെ ഒന്ന് ചിക്കിമാന്തുകയാ‍ണ്.... 

കോഴിചികയുന്ന പോലെ ,വെറും മുകൾ ഭാഗം മാത്രമാണ് കേട്ടൊ.........

ഈയ്യിടെ ഇവിടെ ബിബിസിയടക്കം ,പത്രമാധ്യമങ്ങൾ എഴുതികൊഴുപ്പിച്ചതാണ് ഈ വിഷയം .

വിദേശവിദ്യാർത്ഥികൾ ഗ്രേറ്റ്ബ്രിട്ടനിൽ

ഇപ്പോൾ അനുഭവിക്കുന്ന നരകയാതനകൾ ...!

ബ്രിട്ടനിലെ ഒരു ഭാരതീയ വിദ്യാർത്ഥി കൂട്ടം

അവ എന്തൊക്കെയാണെന്നുള്ള ഒരു കൊച്ചുഎത്തിനോട്ടം ....

ഇവിടെ വരുമ്പോൾ ലഭിക്കുമെന്നുപറഞ്ഞ മോഹനവാഗ്ദാനങ്ങളൊന്നും കിട്ടാതെ

ഒരു നേരത്തെ ഭക്ഷണം വെറുതെ ലഭിക്കുന്ന സിക്കുഗുരുദ്വാരകളിലും , അമ്പലങ്ങളിലും

മറ്റും കടുത്ത തണവുപോലും വകവെക്കാതെ വരിനിൽക്കുന്ന വിദേശ വിദ്യാർത്ഥിക്കൂട്ടങ്ങൾ ,

വെറും പകുതിവേതനത്തിനുപോലും ഹോട്ടലുകളിലും, മറ്റുപലയിടത്തും എന്തുപണിയും ചെയ്തുകൊണ്ടിരിക്കുന്ന ഉന്നതബിരുധാരികൾ ,

ഒരു ആഴ്ച്ച ട്രെയിനിങ്ങ് എന്നുപറഞ്ഞ് പണിയെടുപ്പിച്ചിട്ട് , 

ശരിയായില്ലയെന്ന് പറഞ്ഞ് പിരിച്ചുവിടും ! പിന്നെ അടുത്ത ട്രെയിനികൾ ! അങ്ങിനെ സ്റ്റുഡൻസിനെവെച്ച്  കൂലി ലാഭിക്കുന്ന കച്ചവടക്കാർ ,

ഒരു ടോയ്ലെറ്റ് മാത്രമുള്ള ത്രീ-ബെഡ്-റൂം വീടുകളിൽ പോലും പലരാജ്യക്കാരുമായി എട്ടും, പത്തും,അതിലധികവും  സ്റ്റുഡെൻസുമായി ഷെയർചെയ്തു താമസിക്കുന്നവർ,...,...,.....

അങ്ങിനെ നിരവധി പിരിമുറുക്കങ്ങളുമായാണ് ഇവിടെയിപ്പോൾ

ഈ പുത്തൻ പഠിതാക്കൾ പയറ്റിതോറ്റുകൊണ്ടിരിക്കുന്നത് !

ഏതാണ്ട് പത്തുകൊല്ലം മുമ്പുവരെ ഇവിടെ യു. കെ. യിൽ ഉന്നത വിദ്യാഭ്യാസത്തിന് വന്നിരുന്നത് നമ്മുടെ നാട്ടിലെ വമ്പന്മാരുടേയും , മേൽതട്ടുകാരുടേയുമൊക്കെ മക്കളോ ,ബന്ധുക്കളോ  മാത്രമായിരുന്നു . വളരെയപൂർവ്വം സാധാരണക്കാർ സ്കോളർഷിപ്പ് മുഖാന്തിരവും എത്തിയിരുന്നുട്ടാ..

ഈ  കുത്തക തകർന്നത് ; ലേബർ പാർട്ടി അധികാരം കയ്യടക്കിയതുമുതൽ പുറം രജ്യത്തുനിന്നു പഠിക്കുവാന്‍  വരുന്ന വിദ്യർഥികൾക്ക് പലപലയാനുകൂല്യങ്ങളും അനുവദിച്ചുകൊടുത്തതിനാലാണ് .

പിന്നീട് ബ്രിട്ടനിലേക്കുള്ള ഫോറിൻ വിദ്യാർത്ഥികളുടെ കടന്നുകയറ്റം ക്രമാധീതമായി ഓരൊ കൊല്ലം തോറും വർദ്ധിച്ചുവരികയായിരുന്നു.

ആ സമയത്ത് നാട്ടിൽനിന്നും ലോണും മറ്റും എടുത്ത് സാധാരണക്കാരായ പലരും പഠനത്തോടൊപ്പം തൊഴിലും എന്നപദ്ധതി പ്രകാരം യു.കെയിൽ എത്തിപ്പെട്ടു.

ഡിഗ്രി സർട്ടിഫിക്കേറ്റിനേക്കാൾ കഴിവിന് ( Efficient and Energetic ) പ്രാധാന്യം നൽകുന്ന ഈ രാജ്യത്ത്  നല്ല ബാങ്ക് ബാലൻസും, വർക്ക് പെർമ്മിറ്റും കരസ്ഥമാക്കി ഇവിടെ സ്ഥിരതാമസമാക്കിയ ഒട്ടേറെ മിടുക്കന്മാരും, മിടുക്കികളും സസുഖം ഇപ്പോഴും ഇവിടെ വാഴുന്നുണ്ട് കേട്ടൊ.

An Education  Moto of  U.K

ഒപ്പം തന്നെ പഠനമവസാനിച്ചു പോകുമ്പോൾ നാലഞ്ച് മൊബൈയിൽ കോണ്ട്രാക്റ്റ് ഫോണുകളടക്കം ,അന്നിവിടെ വാരിക്കോരി കൊടുത്തിരുന്ന ലോണുകളും എടുത്ത് ,ക്രെഡിറ്റ്

കാർഡ്കളും ഉപയോഗിച്ച് ലക്ഷങ്ങളുമായി മുങ്ങിയിരുന്ന, അതി നിപുണന്മാരും അന്നുണ്ടായിരുന്നു !

ആ നഷ്ട്ടങ്ങളെല്ലാം ഇവിടത്തെ ഇൻഷൂറൻസ്

കമ്പനികൾക്കു പോയി !

നാലുകൊല്ലം മുമ്പ് എന്റൊപ്പം  താ‍മസിച്ചിരുന്ന നാട്ടിലെ ഒരു രാഷ്ട്രീയ നേതാവിന്റെ മകൻ, ഇവിടത്തെ രണ്ട് ബാങ്കുകളിൽ നിന്നായി ഇരുപത്തിയഞ്ചുലക്ഷം രൂപയുമായി മുങ്ങി !

ആ വിരുതൻ ,ഇപ്പോൾ കാനഡയിൽ പൊങ്ങിയപ്പൊൾ എന്നോടുവിളിച്ചുപറഞ്ഞത്

‘പണ്ടീവെള്ളക്കാർ നമ്മടെ കുറേ കട്ടുകൊണ്ടുവന്നില്ലേ--ങ്ങ്--

ഇങ്ങിനെയെങ്കിലും കുറേശെ പകരം വീട്ടണ്ടേ എന്നാണ് !'

ഈ പറഞ്ഞെതെല്ലാം പഴയ കഥകളാണ് കേട്ടൊ.

പടിഞ്ഞാറൻ രാജ്യങ്ങളിൽ സമ്പത്തുമാന്ദ്യം പൊട്ടിപുറപ്പെട്ടതോടുകൂടി , ഇവിടെവരുന്ന വിദ്യാർത്ഥികളുടെ വരുമാനത്തിനും ഇരുട്ടടിയായി. പോരാത്തതിന് യൂറോപ്പ്യൻ യൂണിയനിലെ സാമ്പത്തികകമായി പിന്നോക്കം നിൽക്കുന്ന  രാജ്യങ്ങളിലെ അനേകം തൊഴിലാളികൾ

ബ്രിട്ടനിലെ തൊഴിൽമേഖലകൾ കീഴടക്കുകയും ചെയ്തു.

പക്ഷേ ഇവിടെ ഇപ്പോൾ ഉപരിപഠനത്തിനുവന്നവർ അനുഭവിക്കുന്ന ദുരിതങ്ങളൊന്നും അറിയാതെ ,വിദ്യാർത്ഥികൾക്കുള്ള വിസാ നിയമം കർശനമാക്കിയതിനുശേഷവും, യുകെ യിലേയ്ക്ക് സ്റ്റുഡെൻസിന്റെ പ്രവാഹം ,ഏജന്റുമാരുടെ ഒത്താശയോടെ വിഘ്നം കൂടാതെ ഒഴുകിക്കൊണ്ട് തന്നെയിരിക്കുകയാണ് ഇപ്പോഴും....

പതിനെട്ടുവയസ്സുമുതൽ അറുപതുവയസ്സുവരെ സ്റ്റുഡന്റായി വരാമെന്നുള്ളതുകൊണ്ട് ആർക്കും വരാമല്ലോ. വടക്കെയിന്ത്യയിൽ നിന്നുമൊക്കെ വ്യാജസ്റ്റുഡണ്ട് വിസയിലെത്തി

കോളേജ് കാണാതെ സമ്പാധിച്ചുനടക്കുന്നവരും ധാരാളം ഉണ്ട് കേട്ടൊ.

നന്നായി കമ്മീഷൻ കിട്ടുന്ന ഇടനിലക്കാരായ ഏജന്റുമാരുടെ പ്രലോഭനങ്ങളിൽ കുടുങ്ങി ഇവിടെവന്നെത്തുമ്പോഴാണ്,പലരും ഒരു ഊരാകുടുക്കിലാണല്ലൊ പെട്ടുപോയെതെന്ന് ചിന്തിക്കുന്നത് !

കഴിഞ്ഞകൊല്ലത്തേക്കാൾ ഇരട്ടി,ഏതാണ്ട് അമ്പതിനായിരത്തോളം ഭാരതീയവിദ്യാർത്ഥികൾ

ഈ സീസണിൽ തന്നെ ഇവിടെയെത്തിയിട്ടുണ്ടെത്രേ !

അമേരിക്കയിലെ ഭീകര പഠനച്ചിലവും ,ആസ്ത്രേലിയയിലെ വംശീയാതിക്രമങ്ങളും , ലോകത്തെവിടേയും വിലമതിക്കുന്ന യുകെ ഡിഗ്രികളുമൊക്കെകാരണം ബ്രിട്ടൻ തന്നെയാണ് , ഇപ്പോൾ ഏതൊരുവനും ഉന്നത പഠനത്തിന് തെരെഞ്ഞെടുക്കുന്ന തട്ടകം കേട്ടോ !

ക്ലബ്ബും,പബ്ബും,ഫുഡും ഒക്കെയുള്ള യു.കെ.ക്യാമ്പസുകൾ !

കൂട്ടരെ ആരെങ്കിലും ഉന്നത പഠനത്തിനായി  യുകെയിലേക്ക് വരുന്നതിനുമുമ്പ് ഈ കൊച്ചുകാര്യങ്ങൾ ഒന്നോർമ്മിക്കുമല്ലോ..

ഇവിടെ ഇപ്പോൾ പഠിച്ചു കൊണ്ടിരിക്കുന്നവരോ, അടുത്ത്  ഇവിടെ നിന്നും ഡിഗ്രിയെടുത്ത് വന്നവരുമായോ, ഇപ്പൊൾ ഇവിടെയുള്ള സ്ഥിതി വിശേഷങ്ങൾ ചോദിച്ചുമനസ്സിലാക്കുക.

ഏജന്റില്ലാതെ നേരിട്ടുതന്നെ യൂണിവേഴ്സിറ്റിയുമായി  ഇടപാടുകൾ നടത്തുവാൻ ശ്രമിക്കുക. അങ്ങിനെയാണെണിൽ അവർക്ക് പോകുന്ന ആ വലിയ കമ്മീഷൻ തുക തന്നെ , അപേക്ഷിക്കുന്നവന് നീക്കി വെക്കാം !

നല്ലക്യാമ്പസുകളിലേക്കുള്ള പ്രവേശനം സെപ്തംബർ മാസമാണ് ഇവിടെ നടക്കുക !

ആയതുകൊണ്ട് പരമാവധി ജനുവരിയിൽ തുടങ്ങുന്ന കോഴ്സുകളേക്കാൾ മുന്തൂക്കം സെപ്തംബർ കോഴ്സുകൾക്ക് നൽകുക ...

ഈ വർഷം മുതൽ യുകെ യിലേക്കുള്ള സ്റ്റുഡണ്ട് വിസാ പെർമിറ്റ് ,വീണ്ടും കുറച്ചുകൂടി കർശനമാക്കുവാൻ പോകുകയാണത്രേ ! ഒപ്പം ഭേദഗതികളോടെ കുറെ വിദ്യാഭ്യാസനിയമങ്ങളും നടപ്പിലാക്കുവാൻ പോകുന്നുണ്ടുപോലും...

അപ്പോൾ ഇനിമുതൽ  ഈ സ്വപ്നഭൂമിയിലേക്ക് വിദ്യാഭ്യാസ വിസയുമായി പറന്നുവരുവാൻ ഒരുമ്പെടുന്നവർ ; ഒന്ന് കണ്ടും ,കേട്ടുമൊക്കെ വരുമല്ലൊ  , അല്ലേ ?

അല്ലാ ,നമ്മുടെ ആഞ്ചലോസിന്റെ കഥയെങ്ങോട്ടുപോയി ?

ജോറായി ....

കഥപോയിട്ട് ഒരു  വഞ്ചിപ്പാട്ടായി കേട്ടൊ...!

അതിനെനിക്ക് നതോനത വൃത്തം  അറിഞ്ഞിട്ട് വേണ്ടേ..!

ആഞ്ചലോസ് ചരിതം ഒരു വഞ്ചിപ്പാട്ട്

അന്നത്തെ ആ  ആഞ്ചലോസ്

ഒരാറുകൊല്ലം മുമ്പ് ഒരു പഴ കമ്പനിയിലെ സഹചാരിയായിട്ടാണ്
ആഞ്ചലോസിനെ ഞാൻ  പരിചയപെടുന്നത് ,വിസ തീർന്നുനിൽക്കുന്ന
ഒരുവനായിട്ട് !
അതും ധാരാളം നഷ്ട്ടബോധങ്ങളുമായി .
അപ്പച്ചന്‍ മരണപ്പെട്ട ശേഷം , അവനെ ഈ യുകെ പഠനത്തിന്റെ
പേരിൽ ഭാഗപത്രത്തില്‍ നിന്നും എഴുതി തള്ളിയപ്പോൾ ; ബന്ധങ്ങളേക്കാള്‍
വില സ്വത്തിനാനെന്നു മനസിലാക്കിയവൻ !
എല്ലാവരാലും ഉപേഷിക്കപ്പെട്ട ഒരുവനായി.....
ബ്രിട്ടനിൽ  MBA ഡിഗ്രി എടുക്കാന്‍ വന്ന് ഒരു ഗതിയും
കിട്ടാതെ ഇങ്ങനെ അലയേണ്ടി വന്ന സ്ഥിതിവിശേഷങ്ങളെ
കുറിച്ച് ,അവൻ പലപ്പോഴായി  എന്നോട് പറഞ്ഞ കഥകളാണിവ കേട്ടൊ

ഒരു യു കെ നൈറ്റ് ക്ലബ്ബ് 

മാഞ്ചസ്റ്ററിൽ പഠിയ്ക്കുന്ന , മലയാളി പയ്യന്‍ തന്റെ ,

അഞ്ചുവര്‍ഷ യു.കെ ക്കഥ, ചൊല്ലാംതന്നെ ഇപ്പോള്‍മെല്ലെ ;

അഞ്ചാറടി പൊക്കമുള്ള, ഒത്തവണ്ണം തടിയുള്ള ,

ആഞ്ചലെന്ന് പേരുക്കേട്ട, അടിപൊളി ചെത്തുപയ്യന്‍ !

കാഞ്ചിക്കോട്ടെ ചാക്കോചേട്ടൻ‍, വല്ലഭനാം മുതലാളി ,

കാഞ്ചനത്തിൻ ജ്വല്ലറിയാൽ ,പണമെല്ലാം വാരിക്കോരി,

പഞ്ചായത്തില്‍ കേമനായി, നാട്ടുകാരെ വിറപ്പിച്ചു !

അഞ്ചാ ണ്മക്കള്‍ പഠിപ്പിലും, കേമത്തങ്ങള്‍ കാണിക്കാനും ,

കഞ്ചാവെല്ലാംപുകയ്ക്കാനും , തല്ലുക്കൊള്ളി തരത്തിനും ,

പുഞ്ചപ്പാടം വിളഞ്ഞ പോല്‍ ,ഒന്നിച്ചായി ശോഭിച്ചല്ലോ ....

പഞ്ചാബില്‍പ്പോയി പഠിച്ചിട്ട് , താഴെയുള്ള പയ്യനപ്പോള്‍

എഞ്ചിനീറായി വന്നനേരം, വിട്ടയച്ചു ‘യുകെ‘ യില് .

അഞ്ചാമത്തെ പൊന്നുപുത്രന്‍ , ‘യുകെ‘കണ്ടു വാപൊളിച്ചു !

വഞ്ചിപെട്ട കയം പോലെ , ചുറ്റി ചുറ്റി തിരിഞ്ഞല്ലോ ?

മൊഞ്ചുള്ളയാ പ്പബ്ബുകളും, പഠിപ്പെങ്കില്‍ ക്ലബ്ബില്‍ മാത്രം !

അഞ്ചുപത്തു ലക്ഷം വീതം ,കൊല്ലം തോറും അയച്ചിട്ടും ,

ആഞ്ചലോസ് മോനെപ്പോഴും ,പൈസയൊന്നും തികഞ്ഞില്ല !

ഫ്രഞ്ച്‌കാരി പെണ്ണൊരുത്തി, കൂടെ വന്നു കിടന്നിട്ടും ,

വെഞ്ചാമര ത്തലയുള്ള ,വെള്ളമഞ്ഞ തൊലിയുള്ള ,

കാഞ്ചനത്തിന്‍ ശോഭയുള്ള തരുണികള്‍ ചുറ്റും ക്കൂടി ;

കൊഞ്ചികൊഞ്ചി നടന്നിട്ടും, പ്രേമം പോലെ നടിച്ചിട്ടും ,

പഞ്ചറാക്കിയാഞ്ചലോസിന്‍ , ഭാവി തന്റെ ചക്രംങ്ങളും !

അഞ്ചുപെനി ഇല്ലാതവന്‍ ,ലഹരിയില്‍ മുക്തി നേടി

പിഞ്ചുകുഞ്ഞുങ്ങളെപ്പോലെ ,തേങ്ങി തേങ്ങി ക്കരയുന്നൂ ....

പുഞ്ചിരിച്ച ക്കൂട്ടരെല്ലാം, കണ്ട ഭാവം നടിക്കാതെ ;

പഞ്ചപാവ മിപ്പയ്യനെ, തെരുവില് തള്ളിയിട്ടൂ ....

വഞ്ചനയില്‍ പെട്ടിട്ടാണ് , സ്വന്തം കാര്യം നോക്കാതാണ് ,

ആഞ്ചലോസിന്‍ കഥയിത് ; ഗുണപാഠം കൂട്ടുകാരെ !!

കഴിഞ്ഞ മാസം ആഞ്ചലോസിനെ അവിചാരിതമായി
ഞാന്‍ ലണ്ടനില്‍ വെച്ചുവീണ്ടും കണ്ടുമുട്ടി !
ഇവിടെ ജനിച്ചു വളര്‍ന്ന ഒരു മേനോത്തി കുട്ടിയുടെ
കെട്ടിയോനായിട്ടാണ് അപ്പോൾ കണ്ടത്, ഇവിടെയാണെങ്കിൽ
ജാതി ,മതം ,നാട് ,വര്‍ഗ്ഗം ......ഒന്നും തന്നെയില്ലല്ലോ !
പോരാത്തതിന് ബ്രിട്ടീഷ് ടെലഫോൺസിൽ ഉഗ്രനൊരുജോലിയുമായി മൂപ്പർക്ക്.

ബ്രിട്ടനില്‍ കാലുകുത്തി നിലയുറപ്പിക്കാന്‍ വേണ്ടിമാത്രം ,
ഈ  പെൺക്കുട്ടിയെ വിവാഹം കഴിച്ച് ,ബ്രിട്ടൻ സിറ്റിസൻഷിപ്പ്
കിട്ടിയശേഷം  ഇവളെ പലകാരണങ്ങൾ പറഞ്ഞ് ഉപേഷിച്ച ഒരു വില്ലന്‍ ഭര്‍ത്താവിന്റെ കഥയും ഇവരുടെ പുത്തന്‍ ജീവിതകഥയ്ക്ക് പിന്നിലുണ്ട് കേട്ടൊ..

ആഞ്ചലോസ് അടുത്ത ഒരു ജീവിതാഭിലാഷത്തെ
കുറിച്ചും എന്നോടു പറഞ്ഞൂട്ടാ....
കാശുണ്ടായ ശേഷം ;സ്വന്തം ജീവിതകഥ ,
അതും പ്യഥിരാജിനെ നായകനാക്കി ഒരു സിനിമ പിടിക്കണമെന്ന്...
എന്നോടാണ് പാട്ട് എഴുതുവാന്‍ പറഞ്ഞിരിക്കുന്നത് !
അപ്പതുകൊള്ളാം ;
പടം പൊളിയുവാന്‍ പിന്നെ എന്തെങ്കിലും കാരണം വേണോ ?




off peak :- 

   ഇവിടെ വന്ന പത്രവാർത്തകളിൽ  നിന്നും കുറച്ചിതാ...

Students line up outside a centre for filing visa applications to the UK London: Hundreds of Indian students who come to the UK to pursue courses in colleges are unable to find part-time work to fund their stay and studies here and have been forced to eat in gurdwaras in Southall. There has been a three-fold rise in the number of Indian students coming to the UK since the points-based immigration system was introduced in April this year. Many of them come in the hope of finding work so that they can live here. A BBC Radio 5 documentary found that such students were desperate when they could not find work. They were also reluctant to return to India for the shame that would follow. Many such students flock to the gurdwaras in Southall for free food. The documentary, broadcast on Sunday, quoted Nitin Walia, a student who has sought refuge at the gurdwara, as saying: “I can’t afford to rent a room, I am borrowing money from relatives at home just to buy my bus fare to college. I will only be able to rent a room if I can find a job, if I..... സ്റ്റുഡണ്ട് വിസയിൽ  ലണ്ടനിൽ എത്തിയ അരുൺ അശോക് ഈയ്യിടെ എഴുതിയ ഈ  ബ്ലോഗ് കൂടി നോക്കൂ..... http://arun-gulliblestravels.blogspot.com/  UK EDUCATED GROOM-A MYTH /17 Feb 2010.  അതുപോലെതന്നെ യുകെയിലുള്ള വിഷ്ണുവിന്റെ വിദേശവിദ്യാഭ്യാസത്തെ കുറിച്ചുള്ള തികച്ചും വിജ്ഞാനപ്രദമായ ഈ ബ്ലോഗും കൂടി നോക്കുമല്ലൊ വിദേശപഠനം  http://videshapadanam.blogspot.com/

ബ്രിട്ടനിലെ പേരുകേട്ട  കുറച്ചു സർവ്വകലാശാലകൾ

 

 

 

 

Top Ten in the World

ലേബൽ :-

കണ്ടതും കേട്ടതും.

ഫെബ്രുവരി 14 ഒരു പ്രണയ ശുഭ ദിനം ! / February 14 Oru Pranaya Shubhadinam !

 

ഒരു പ്രണയ ശുഭ ദിനം !

എന്റെ ചെറുപ്പ കാലഘട്ടങ്ങളിൽ ഫെബ്രുവരി പതിനാല്,
ഇന്നത്തെ പോലെ പ്രണയ ദിനമായിയൊന്നും ആഘോഷിച്ചു
തുടങ്ങിയിട്ടില്ലായിരുന്നൂ...
പിന്നെ അന്നത്തെ ദിവസം
അടുത്ത പരിസരത്തെവിടെയെങ്കിലും പൂരമോ,
പള്ളിപ്പെരുന്നാളോ, ശിവരാത്രിയോ നടക്കുന്നുണ്ടെങ്കിൽ...

എല്ലാ കണ്മണിമാരേയും, പ്രണയിനിമാരായി
കണ്ടിരുന്നതുകൊണ്ടൊക്കെ .. ഞങ്ങൾ തീർച്ചയായും
അവിടെയെത്തിയിരിക്കും---
ശരിക്കും പ്രണയം ആഘോഷിക്കുവാൻ വേണ്ടി...

അന്നത്തെ ഈ കണ്മണിമായുടെ വളരെ സുന്ദരമായ
കടാക്ഷങ്ങളാലും, നറുപുഞ്ചിരികളാലും കിട്ടിയിരുന്ന ആ പ്രണയ
സമ്മാനങ്ങൾ ; ഇന്നും മനസ്സിന്റെ അടിത്തട്ടിൽ യാതൊരുവിധ കോട്ടങ്ങളുമില്ലാതെ
ഇപ്പോഴും ഇരിക്കുന്നതിലാണൽത്ഭുതം !

വീണിതല്ലോ കിടക്കുന്നൂ പ്രണയം !

ഇത്തരം പ്രണയാഘോഷവേളകൾ  ഗംഭീരമാക്കാൻ വേണ്ടി
കൂട്ടുകാരിൽ ചിലർ കട്ട, ജാക്കി,...,... മുതലായ കൊച്ചുപ്രണയായുധങ്ങൾ
ഉപയോഗിച്ചിരുന്നതുമൂലം ; ഇടവകക്കാരുടെ കൈത്തരിപ്പുകൾ തീർക്കാൻ ഇടവരുത്തിയിരുന്നതുകൊണ്ട് അന്നൊന്നും ഒരിക്കലും ഞങ്ങളുടെ  ആ പ്രണയ
ദിനാഘോഷങ്ങൾ മുഴുവനാക്കാൻ സാധിച്ചിരുന്നില്ല എന്ന വിഷമവും ഇപ്പോൾ തോന്നുന്നുണ്ട്...!

പിന്നെ അനുജന്റേയും,അനുജത്തിയുടേയും കാലമായപ്പോഴേക്കും ,
ഈ ഫെബ്രുവരി പതിനാല് നാട്ടിലും അങ്ങ് വല്ലാതെ വളർന്നുകഴിഞ്ഞിരുന്നു ...

പിന്നീട് ഇപ്പോൾ ഈ ദിനാഘോഷങ്ങൾ കൊണ്ടാടുന്ന
മൂത്തപെങ്ങളുടെ മകന്റേയും, ഒപ്പമുള്ള പുതുതലമുറയുടേയും
മറ്റും പ്രേമാഘോഷങ്ങൾ കണ്ടുകൊണ്ടിരിക്കുമ്പോൾ ...
സത്യം പറഞ്ഞാൽ സന്തോഷവും, ദു:ഖവും ഒരുമിച്ച് തോന്നുന്നുണ്ട്....

ഏതാണ്ട് നാലുപതിറ്റാണ്ടിന്റെ , എന്റെ ചുറ്റും നടക്കുന്ന
പ്രണയാനുഭവങ്ങൾ കണ്ടും, കേട്ടും അറിഞ്ഞ് ചിലപ്പോൾ
തോന്നുന്നതായിരിക്കാം അല്ലേ ?

അന്നുകാലത്തുണ്ടായിരുന്ന ആ അനശ്വര
പ്രണയങ്ങൾക്കൊക്കെ പകരം ... പീഡനം, വാണിഭം,
ലവ് ജിഹാദ്,..,..അങ്ങിനെഎത്രയെത്ര പുത്തൻ പേരുകളാണ്
ഇപ്പോൾ ഇതോടൊപ്പം നമെല്ലാം കൂട്ടിവായിച്ചുകൊണ്ടിരിക്കുന്നത്... അല്ലേ



എന്തുകൊണ്ടെന്നാൽ എല്ലാം
പ്രണയപ്രകടനങ്ങൾ മാത്രം ... !
ദിവ്യ പ്രണയങ്ങൾ വളരെ അപൂർവ്വം !

കഴിഞ്ഞ പ്രണയദിനത്തിന്റന്ന്
മകൾക്ക് ... ഇ-മെയിലായും, SMS ആയും
പ്രണയ സന്ദേശങ്ങൾ കൂമ്പാരമായി വന്നപ്പോൾ ...
ഭാര്യ പറയുന്നത് കേട്ടു - “ മത്തൻ കുത്തിയാൽ കുമ്പളം മുളക്കില്ലല്ലോ ..എന്ന് “
ആശ്വാസം ... അത്രയല്ലെ പറഞ്ഞുള്ളൂ !

നാട്ടില്‍ വെച്ചു സാക്ഷാല്‍ മുരളീധരനെപോലെ
പ്രണയ മുരളിയൂതി , അനർഘനിർഗളം സ്വന്തം പ്രണയ
സാമ്രാജത്തില്‍ ,പ്രയാണത്തില്‍ ഏര്‍പ്പെട്ടുകൊണ്ടിരുന്നപ്പോളാണ് ,
എന്റെ കയ്യിലിരിപ്പിന്റെ ഗുണം കൊണ്ടോ ,മറ്റോ എന്നറിയില്ല ചെറുപ്പത്തിലെ
പിടിച്ചു പെണ്ണ്കെട്ടിപ്പിച്ചത്....

അതോടെ എന്റെ പ്രണയം അവസാനിച്ചു
എന്ന്  കരുതിയവര്‍ക്ക് തെറ്റി...പിന്നീട് എന്റെ
പ്രണയം ശരിക്കും  വിടര്‍ന്ന് പടർന്ന് പന്തലിക്കുകയായിരുന്നൂ !

നാട്ടിലെ പ്രണയം പേടിച്ച് ... ഇവിടെ ലണ്ടനിൽ വന്നപ്പോള്‍
‘പട പേടിച്ചു പന്തളത്ത് വന്നപ്പോള്‍ ,പന്തം കൊളുത്തിപ്പട‘
എന്ന പോലെയായി എന്റെ സ്ഥിതി ...!

Second hand to Tenth hand വരെയുള്ള ഇവിടത്തെ പ്രണയിനിയി
മാര്‍ക്കെല്ലാം ... ഒരു ഭാരതീയന്‍ എന്നനിലയില്‍ എന്നോടു ബഹു കമ്പം !
ഇവിടുള്ളവരെ അപേഷിച്ചു Indians so family oriented -
ആണെന്നുള്ള ഒരു പരിഗണന വെച്ചുമാത്രമാണത് കേട്ടോ...

കാരണം എന്ത് ഇല്ലെങ്കിലും അല്ലെങ്കിൽ എന്ത് ഉണ്ടായാലും
ഈ നാട്ടിലുള്ളവരെ പോലെയൊക്കെ അങ്ങിനെ  ഉപേക്ഷിച്ച്  പോകില്ലല്ലോ ....!

ഇവിടെ ഈ ‘വാലന്റെയിൻസ് ഡേയ്‘
എന്നുപറഞ്ഞാൽ  ഒരു ഭയങ്കര സംഭവമാണ് ...
കൃസ്തുമസ് ആഘോഷങ്ങളെല്ലാം പോലെ ഒരു കലക്കൻ ആഘോഷം !

ക്ലബ്ബുകളിലും, പബ്ബുകളിലും, പാർക്കിലും, മറ്റും നേരം
പുലരുവോളം നിറഞ്ഞാടികൊണ്ടിരിക്കുന്ന  പ്രണയകേളികൾ...
ശരിക്കുശ്രമിക്കുകയാണെങ്കിൽ എല്ലാം തന്നെ‘ ലൈവ്’ ആയി തന്നെ കാണാം കേട്ടൊ !

ഇപ്പോഴുള്ള പ്രണയിനിക്കും/നാഥനുമടക്കം
Ex-Lovers/Partners-നുമൊക്കെ പ്രണയ സമ്മാനങ്ങൾ
കൈമാറേണ്ടതുകൊണ്ട് , ഇവിടത്തുകാർക്കൊക്കെ ഈ ദിനം
പ്രണയത്തിന്റെ ഒരു ഭയങ്കര ബാധ്യതാ ദിനം കൂടിയാ‍ണ് ഇപ്പോൾ !

മൂന്നുകൊല്ലം മുമ്പ്, ഒരു ഫെബ്രുവരി പതിനാലിന്
ഒരു മദാമ്മ എന്റെ ചുണ്ട് കടിച്ചുപൊട്ടിച്ചു എന്ന് പറഞ്ഞ് ...
എന്റെ പെണ്ണൊരുത്തി, എന്നെ ഈ പ്രണയദിനത്തിന്റന്ന്  ഇപ്പോൾ വീടിനുപുറത്തുവിടാറില്ല ..!

അന്നത്തെ പ്രണയം അവളോടുമാത്രം മതിയത്രേ..!

കുശുമ്പെന്നാല്ലാണ്ടിതിനെ പിന്നെന്തുട്ടെന്ന്യാ പറയാ‍ാ...അല്ലേ



നോക്കൂ ... ഇതുവരെയുള്ള എന്റെ പ്രണയാനുഭവങ്ങള്‍ വെച്ച്
പ്രണയ ദിനങ്ങളോടനുമ്പത്തിച്ച് എഴുതിയ കവിതകളോ അതോ വെറും
പദ്യങ്ങളോ ആണ് ഈ  പ്രണയ കാലാന്തരങ്ങളും പിന്നെ  February 14 ഒരു പ്രണയ ശുഭദിനവും.

പ്രണയ കാലാന്തരങ്ങൾ

പ്രണയമതെന്നോടാദ്യം പങ്കുവെച്ചതെന്നമ്മ ,

അണ്ണനും ,കൊച്ചനിയത്തികുട്ടിക്കും വേണ്ടിയായി ...

പ്രണയിച്ചുയമ്മ അടുക്കള ; രാഷ്ട്രീയമച്ഛന്‍ ;

പണത്തെ സ്നേഹിച്ചുയമ്മാവര്‍; ബന്ധുക്കള്‍ സ്വത്തിലും ....

പ്രണയിച്ചീക്കളി കൂട്ടുകാരി കളികള്‍ മാത്രം !

പ്രാണനായി സിനിമ പെങ്ങള്‍ക്ക് ; ചേട്ടന്‍ ക്രിക്കറ്റില്‍ ,

പണയത്തിലാക്കിയെന്‍ പ്രേമം ഇഷ്ട മുറപ്പെണ്ണും ,

പണിക്കാരിക്കുപോലുമീയിഷ്ടം ... ശേഷം കൂലിയില്‍ ..!

പ്രണയമെന്‍കുപ്പായത്തോടും , ബൈക്കിനോടും മാത്രം;

പ്രണയിച്ച കൂട്ടുകാരിക്കെള്‍ക്കെല്ലാം; കൂട്ടുകാര്‍ക്കോ ..

പണം ഞാന്‍ കൊടുക്കുമ്പോള്‍ ,ആ ബിയറിനായി ബാറില്‍ .

പെണ്‍വീട്ടുകാര്‍ക്കിഷ്ടമോ തറവാട്ടു മഹിമകള്‍ .....

പെണ്ണിവൾ ഭാര്യ ,സ്നേഹിച്ചു ക്ലബ്ബുമാഡംബരവും;

പ്രണയം മകള്‍ക്കുചാറ്റിങ്ങിലും,മൊബൈല്‍ഫോണിലും ;

പ്രണയിച്ചതു മകൻ , കമ്പ്യൂട്ടര്‍ കളികള്‍ മാത്രം...

പ്രണയം തേടി ഞാന്‍ അലയുന്നു കാലമിത്രയും ....!

പ്രണയം കടം കിട്ടുമെന്നുപറയുന്നൊരുനാള്‍ ....

പ്രണയത്തിനായി ആണ്ടില്‍ നീക്കിവെച്ചാദിനം  ?

പണം കൊടുത്താലെങ്കിലും കിട്ടിടുമോയാദിനമെങ്കിലും

പ്രണയം സുലഭം ? ശാശ്വതമായേനിക്കു മാത്രം ?

ഒരു ലണ്ടൻ പ്രണയദിന രാത്രി !

February 14 ഒരു പ്രണയ ശുഭ ദിനം

"പ്രണയിക്കുന്നൂ നിന്നെ ഞാന്‍ "-ചെണ്ട കൊട്ടിപ്പറയുന്നേവരും

പ്രാണനാം മാതാപിതാക്കള്‍ കുഞ്ഞുങ്ങളോട് ;നേതാവ് സ്വന്തം

അണികളോട് ; അതിഥിയോടാതിഥേയൻ ; മുതലാളിയോ

പണിയെടുക്കും തൊഴിലാളിയോട് ; അവനാ സഖിയോട്‌ ;

പ്രണയിനി നാഥനോട്,.....എല്ലാം വെറും ജല്പനങ്ങള്‍ !

പ്രണയം പരസ്പരമുണ്ടെങ്ങില്‍ എങ്ങിനെയീ വേര്‍ത്തിരിവ് ?

പ്രണയമില്ലാത്ത കൂട്ടരേ , നിങ്ങള്‍ ഒരുദിനമെങ്കിലും ...

പ്രണയിക്കൂ സ്വഹൃദയത്തിലേറ്റീപ്രണയ ശുഭദിനം !



വാല്‍കഷ്ണം :-

കുറച്ച് ദിവസം മുമ്പ് പണിസ്ഥലത്തുവെച്ച് ,
ഒരു ഇടവേളയിൽ ഞാനും, വെള്ളക്കാരനായ
മിത്രം‘ ക്രിസ് ജോണും‘, സഹപ്രവർത്തകൻ കറമ്പൻ
 ‘ക്വാമെ ഫിർപോൺഗും‘ കൂടി പ്രണയത്തെ/കുടുംബത്തെ
പറ്റിചര്‍ച്ച ചെയ്തുകൊണ്ടിരിക്കുമ്പോള്‍ ....

‘ക്രിസ്‘ മൂപ്പരുടെ നാലാം dating -ലെ girlfriend-
നെകുറിച്ചും, അമ്മയുടെ അഞ്ചാം partner റെ-കുറിച്ചും ,
 38 വയസ്സിലും കുട്ടികള്‍ ഇല്ലാത്തതിന്റെ  ചാരിതാർഥ്യത്തെ
കുറിച്ചും, വെറും greeting card കളിലൊതുങ്ങുന്ന പ്രണയ/ കുടുംബബന്ധങ്ങളെ കുറിച്ചുമൊക്കെ ....വാചാലനായി ..

‘ക്വാമെ‘യാണെങ്കിൽ ആഫ്രിക്കയിലുള്ള
തന്റെ സ്നേഹനിധിയായ രണ്ടാമത്തെ ഭാര്യയേയും, മക്കളേയുംകുറിച്ചും, ഇവിടെ ലണ്ടനിലുള്ള  തന്റെ പ്രണയിനിയേയും , ചിന്നവീടിനെയും പറ്റിയൊക്കെ പൊക്കിയടിച്ചു...

എന്റെ പ്രണയ/കുടുംബകാര്യങ്ങൾ പറഞ്ഞപ്പോള്‍ .... ഇരുപത് വര്‍ഷമായി ഒരേയൊരു ഭാര്യയോടുകൂടി , കുട്ടികള്‍  സഹിതം , മറ്റുബന്ധുജനങ്ങളുമായി സസ്നേഹം, സസുഖം സുന്ദരമായി 

വാഴുകയാണെന്ന് കേട്ടപ്പോള്‍ അവർ രണ്ടുപേരും  വാ പൊളിച്ചു പോയി !

Cris  & Kwame  : -  " Wow... Really ..    How... Can ?
                                  20 years... with Only One Wife ! ? "

Me                           : - "Yeah ...Sure ....That"s an Indian Magic  !
                                       It's  Same   like as an Indian Rope Trick*!'                              

( ആത്മാഗതം         :-  "ഉന്തുട്ട്..പറയാന്യാ..ഗെഡികളേ നമ്മെടെ വീട്ടിലെ വെടിക്കെട്ട്..നമക്ക്വല്ലേ       അറിയൊള്ള്യ്യോ ....
ഒരു പ്രണയ്യ്ം ..അല്ലെങ്ങ്യേ കുടുമ്മ്മം ..തേങ്ങ്യേടെ..മൂഡ്.)

* ആകാശത്ത് തൂങ്ങിക്കിടക്കുന്ന ഒരുകയറിൽ കൂടി 

മെയ്‌വഴക്കത്തോടെ മുകളിൽ കയറിപ്പോയി അപ്രത്യക്ഷമാകുന്ന 

ഒരു ഭാരതീയ മാന്ത്രികവിദ്യ !